LIVE: Чингэлтэй дүүргийн 15 дунд сургуулийн нэгдүгээр ангид элсэгчдийг цахимаар бүртгэнэ
2019 хичээлийн жилд 38 232 хүүхэд нэгдүгээр ангид элсэн суралцана. Нэгдүгээр ангид элсэгчдийн бүртгэлийг 5-р сарын 13-аас 27-ны хооронд зохион байгуулах юм. Энэ жил бүртгэлийг сургууль дээр явуулахаас гадна цахим бүртгэл ч явуулж байгаа ажээ.
Гэхдээ энэ жил зөвхөн Чингэлтэй дүүргийн 15 дунд сургуулийн нэгдүгээр ангид элсэгчдийг цахимаар бүртгэх бөгөөд ESI систeмийг ашиглан бүртгэх юм байна.
ESI систeмээр хэрхэн бүртгүүлэх вэ?
Эцэг эхчүүд Parent.edu.mn систeм рүү бүртгүүлэх хүсэлт явуулна. Бүх хүсэлтийг хүлээж авсны дараагаар шийдвэр гаргаад эцэг, эхчүүдэд мэдэгдэнэ. Мөн мобайл аппликэйшн ашиглаж болох юм байна. Цахим бүртгэлд зөвхөн Чингэлтэй дүүрэгтэй оршин сууж байгаа хүүхдүүд хамрагдах боломжтой. Бүртгэлийн талаарх дэлгэрэнгүй мэдээллийг боловсролын яам зэрэг боловсролын салбарын байгууллагуудын цахим хуудаст нийтлэх юм байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.