Эль-Ниньо үзэгдлийн улмаас Какаоны үнэ зургаан сар дараалан өсжээ

Дэлхийн зах зээл дээр какаоны үнэ наймдугаар сард 25.5 хувиар өсөж, нэг тонн нь 6,771 ам.долларт хүрчээ. Ингэснээр үнэ зургаа дахь сар дараалан өссөн үзүүлэлт болж байна.  

Үнийн өсөлтөд Баруун Африкийн какаоны нийлүүлэлтэд үүссэн эрсдэл болон Эль-Ниньо үзэгдэл голлон нөлөөлсөн байна. Цаг агаарын хэт халалт, хуурайшилт нь дэлхийн хамгийн том какао үйлдвэрлэгч Кот-д'Ивуар, Гана зэрэг орнуудын ургацын төлөвт хүндрэл учруулжээ. 

Мөн Кот-д'Ивуарт есдүгээр сарын 1-нээс какаоны гарал үүслийг цахимаар бүртгэх шинэ систем хэрэгжиж эхэлсэн ч тариаланчид болон худалдан авагчдын зарим нь системийг ашиглахад хүндрэлтэй байгаа аж. Энэ нь шинэ улирлын эхний саруудад какаоны худалдан авалт, нийлүүлэлт удаашрах эрсдэлийг нэмэгдүүлж байна. Шинжээчид нийлүүлэлтийн асуудал даамжирч, эрэлт өндөр хэвээр байвал какаоны үнэ цаашид өсөх эрсдэлтэй гэж үзэж байна. 

Эх сурвалж:

• inews.mn