Ормузын хоолойгоор нэвтрэх хөлөг онгоцны тоо долоо болж буурчээ
Ормузын хоолойгоор нэвтрэх хөлөг онгоцны хөдөлгөөн есдүгээр сарын 9-нд эрс буурч, ердөө долоон хөлөг бүртгэгдсэн байна.
Энэ нь өмнөх өдрийн 12 хөлөг, сүүлийн 10 өдрийн дундаж болох 14 хөлгөөс мэдэгдэхүйц бага үзүүлэлт юм. Далайн хөлөг онгоцны хөдөлгөөнийг хянах урьдчилсан мэдээллээр эдгээрийн дөрөв нь хоолойгоор гарч, гурав нь нэвтэрсэн байна.
Гарсан хөлгүүдийн нэг нь “Finland Prosperity” нэртэй том оврын газрын тос тээвэрлэгч бөгөөд бараг хоёр сая баррель түүхий тос тээвэрлэжээ. Мөн тухайн өдөр LNG тээвэрлэгч хөлөг Ормузын хоолойгоор гараагүй байна.
Гэхдээ эдгээр тоо нь зөвхөн байршил дамжуулагч буюу AIS дохио нь идэвхтэй байсан хөлгүүдийг хамарсан урьдчилсан мэдээлэл юм. AIS-ээ унтраасан хөлөг тооцоонд орохгүй байж болохыг Reuters агентлаг мэдээлжээ. Харин Баб-эль-Мандебын хоолойгоор мөн өдөр 28 хөлөг нэвтэрсэн нь сүүлийн 10 өдрийн дундаж болох 27 хөлөгтэй ойролцоо байжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.