Шатахууны шуурхай штабын хуралдааны мэдээллийг хүргэж байна

Шатахууны шуурхай штаб: Шатахууны нийлүүлэлт тогтворжиж байгаа ч орон нутгийн хангамжийг жигдрэхэд хугацаа шаардлагатай

Шатахууны шуурхай штабаас Монгол Улсын түлш, шатахууны хангамж, импорт болон үнийн нөхцөл байдлын талаарх нэгдсэн мэдээллийг өглөө. Албаны эх сурвалжийн мэдээлснээр, наймдугаар сарын сүүл болон есдүгээр сарын эхээр шатахууны нийлүүлэлт тогтмол, тасралтгүй хийгдэж байгаатай холбоотойгоор импорт, хэрэглээ болон хангамж тодорхой хэмжээнд тогтворжоод байна.

2026 оны есдүгээр сарын захиалга, импортын мэдээлэл:

Монгол Улс БНХАУ, ОХУ зэрэг гадаад нийлүүлэгчдээс 2026 оны есдүгээр сард худалдан авахаар нийтдээ дараах баталгаажсан захиалгуудыг хүргүүлээд байна. Үүнд:

• Евро автобензин – 68,700 тонн
• А-95 бензин – 3,200 тонн
• Дизель түлш – 147,880 тонн
• Онгоцны түлш – 8,000 орчим тонн

Мөн есдүгээр сарын 1-нээс 7-ны өдрүүдэд улсын хэмжээнд нийт 11,600 тонн автобензин, 120 тонн А-98 бензин, 46,000 тонн дизель түлш, 1,800 тонн онгоцны түлш импортоор орж ирээд байна.

Төмөр замын тээвэрлэлтийн явц:

Өнөөдрийн байдлаар Улаанбаатар төмөр замын (УБТЗ) хэмжээнд 137 вагон буюу 8,200 тонн автобензин замд явж байна. Үүнээс 70 вагон буюу 4,200 тонн автобензинийг буулгалтын өртөө, гэрээт агуулахуудад буулгахаар шуурхай ажиллаж байгааг мэдээллээ.

А-95 бензиний хангамжийг нэмэгдүүлнэ:

Иргэдийн дунд А-95 бензиний олдоц муу байна гэх асуудал үүсэж буйтай холбогдуулан дараах тайлбарыг өглөө. А-95 бензиний импорт харьцангуй бага байдаг бөгөөд хангамжийг тогтворжуулж, нэмэгдүүлэх хүрээнд есдүгээр сард БНХАУ-аас тодорхой хэмжээний А-95 бензин авахаар захиалга өгөөд байна.

Дэлхийн зах зээлийн үнийн нөлөөлөл:

Дэлхийн зах зээл дээрх газрын тосны үнийн хэлбэлзэл, өсөлт нь манай улсын шатахууны суурь үнэд шууд нөлөөлдөг. Өнгөрсөн наймдугаар сард дэлхийн зах зээл дээр газрын тосны үнэ тасралтгүй өссөнтэй холбоотойгоор есдүгээр сарын 1-ний өдрөөс дизель түлш болон бусад бүтээ