Манай 5 баг 3 том тэмцээнд нэгэн зэрэг хүч үзэж байна

Энэ өдрүүдэд Фиба 3х3 сагсанбөмбөгийн хэд хэдэн томоохон тэмцээн зэрэг зохион байгуулагдаж байна. 

Тодруулбал: Сингапурт зохион байгуулагдаж буй эмэгтэйчүүдийн "3x3 Women’s Series Singapore 2026" манай улсаас залуучуудын шигшээ баг болон Улаанбаатар Амазонс багууд оролцож байна. Улаанбаатар Амазонс багийн хувьд хэсгээсээ 2-оор шалгарч хасагдах шатанд өнөөдөр (8 сарын 14) Японы Мицүбиши багтай тоглоно. Манай багийн хувьд бүрэлдэхүүндээ нэгэн шинэ өөрчлөлттэйгөөр энэ удаагийн тэмцээнд оролцож байгаа нь АНУ-ын Грейс Элизабет Бергийг эгнээндээ нэгтгэсэн байна. 

Швейцарын Люзанн хотноо Фиба 3х3 сагсанбөмбөгийн ээлжит дэлхийн цуврал тэмцээн болох "3x3 World Tour Lausanne 2026" тэмцээнд Улаанбаатар ММС Энержи баг D хэсгийг тэргүүлэн оролцож байна. Манай багийн хувьд хэсгийн эхний тоглолтоо урьдчилсан шатнаас гарч ирэх багтай өнөөдөр (8 сарын 14) Улаанбаатарын цагаар 22:00 цагт, Германы Баскет Бонн багтай 00:15 цагт тоглох хуваарьтай байна. 

Харин БНХАУ-ын Ганжоу хотноо манай эрэгтэй, эмэгтэй залуучуудын баг Азийн залуучуудын үндэсний лигийн тэмцээнд оролцож байна.