Т.Даваадалай яллагдагчаар татах тогтоолдоо гарын үсэг зуржээ
Нийслэлийн Засаг даргын нэгдүгээр орлогчоор ажиллаж байсан Т.Даваадалай өнөөдөр үдээс хойш яллагдагчаар татах тогтоолтойгоо танилцаж, гарын үсэг зуржээ.
Түүнийг ЭЦА-ны Эдийн засгийн гэмт хэрэгтэй тэмцэх газарт анх шалгаж эхэлсэн бөгөөд Нийслэлийн прокурорын газраас харьяалал тогтоосны дагуу Авлигатай тэмцэх газарт шилжүүлжээ.
Т.Даваадалайг I тойрог зам төслийн хөрөнгөөс завшсан гэх үндэслэлээр хэрэг бүртгэлтийн хэрэг нээсэн агаад дөрөвдүгээр сарын 29-нд АТГ-т шилжүүлэхээр прокурорын байгууллага харьяалал тогтоосон юм байна. Өдгөө Т.Даваадалайг Эрүүгийн хуулийн 22.1-д заасан албан тушаалаа урвуулсан гэх үндэслэлээр яллагдагчаар татан, эрүүгийн хэрэг үүсгэж, мөрдөн шалгах ажиллагааг үргэлжлүүлж буй аж.
Сэтгэгдэл (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.