Нийтлэлч Баабар: Н.Өнөрцэцэгийг төрийн нууц мэдээлэл олж авсан гэж яллаж болохгүй

Зариг.мн сайтын эрхлэгч, сэтгүүлч Н.Өнөрцэцэгт өчигдөр Сүхбаатар дүүргийн Эрүүгийн хэргийн анхан шатны шүүхээс хорих ял оноосон. Үүнтэй холбоотойгоор нийтлэлч Б.Батбаяр /Баабар/ байр сууриа илэрхийлэв.

Нийтлэлч Батбаяр:

-Татвар төлөхөөс зайлсхийсэн хэрэгт тодорхой ял өгч болох л байх. Төрийн нууц мэдээлэл олж авсан гэж яллаж болохгүй. Мэдээллийг хадгалах үүрэгтэй хүн л буруутан. Мэдээллийг үүрэг хүлээгээгүй хүн хулгайлсан дээрэмдсэн бол мэдээлэл олж авснаас биш хулгай дээрмийнхээ хэргээр эрүүгийн ял хүлээх ёстой.

Илт худал мэдээлэл тараасан гэдгээр ял байж болохгүй. Мэдээллээс болж хэн хэрхэн яаж хохирсныг тогтоож хохирлыг барагдуулах л ёстой. Илт худал мэдээлэл тараах явдал бол манай нийгэмд бүхнийг хамарсан нийтлэг үзэгдэл болж байхад бусдад сургамж болох зорилгоор хэн нэгнийг онцлон яллажээ гэв.