ЦЕГ: Цагдаагийн хурандаа Ж.Энх-Одыг сэлгээгүй, бүрмөсөн чөлөөлсөн

13 настай охиныг цагдаагийн албан хаагчид хүчиндсэн гэх хэрэгт холбогдуулан Сэлэнгэ аймгийн цагдаагийн дарга Ж.Энх-Одыг чөлөөлж, Баянгол дүүргийн цагдаагийн хоёрдугаар хэлтсийн дэд даргаар тавьсан гэсэн мэдээлэл манайд өчигдөр гарсан. Энэ дагуу Цагдаагийн ерөнхий газраас өнөөдөр тодруулга өглөө. 

ЦЕГ-ын эх сурвалжийн мэдээлснээр, Сэлэнгэ аймгийн цагдаагийн газрын даргаар ажиллаж байсан цагдаагийн хурандаа Ж.Энх-Одыг "Баянгол руу сэлгээгүй, харин бүрмөсөн чөлөөлсөн" гэв. Сэлэнгэ аймгийн Цагдаагийн газрын Нийтийн хэв журам хамгаалах тасгийн дарга, цагдаагийн дэд хурандаа Л.Нандинбаатарыг Хан-Уул дүүргийн Цагдаагийн хоёрдугаар хэлтсийн хэв журмын ахлах байцаагчаар томилсон гэх мэдээлэлд харин тодорхой хариулт өгсөнгүй.