Х.Нямбаатар: З.Энхболд оо шүүх хуралдаа гутлаа тослоод, зангиагаа зүүгээд оч. Бэлтрэг бэлтрэгээрээ дуусна

Нийслэл хотод метро барих олон улсын тендерийг өчигдөр албан ёсоор зарласан. Үүнтэй холбоотойгоор олон хүн санал шүүмжлэлээ хэлж буй юм.

Тухайлбал, Монгол Улсын Ерөнхийлөгчийн Тамгын газрын дарга асан З.Энхболд эсрэг байр суурь илэрхийлж байгаа. З.Энхболд “Найман жил барьж чадаагүй метрог МАН бариад 1000 төгрөгөөр явууллаа юу” хэмээн нүүр хуудастаа бичсэн байв.

Ерөнхийлөгчийн Тамгын газрын дарга асан З.Энхболдын шүүмжлэлийн хариуд Нийслэлийн Засаг дарга бөгөөд Улаанбаатар хотын захирагч Х.Нямбаатар хатуухан байр суурь илэрхийлжээ.

Нийслэлийн Засаг дарга Х.Нямбаатар:

-З.Энхболд яаж Монгол Улсыг сүйрүүлэх вэ гэдэг бодол чинь хэзээ ч бүтэхгүй. Та нар танк орж ирнэ гэж хэдэн жил Монголыг хорлов. Олимпын гүүр барихад эсэргүүцэж л байсан. Метрог ёс юм шиг л эсэргүүцэж байна. Тойрч зугтаагаад модон дотроос гарч ирж ойр орчныг вирустүүлж явахаар шүүх хуралдаа гутлаа тослоод, зангиагаа зүүгээд оч. Бэлтрэг бэлтрэгээрээ дуусна гэжээ.