Бүгд найрамдах социалист Вьетнам улсын Далайн их сургуульд суралцуулах тэтгэлэг зарлагдлаа.

Тэтгэлгийн зорилго: Зам, тээврийн салбарын мэргэжлээр суралцагчдыг нэмэгдүүлэх, дэмжих, салбарын боловсон хүчнийг бэлтгэхэд оршино.

Тэтгэлгийн хэмжээ: Сургалтын төлбөр, дотуур байр, сурах бичиг, эрүүл мэндийн даатгал багтсан. /амьжиргааны зардал болон зорчих зардал багтаагүй болно/

Тавигдах шаардлага: Тус сургуулийн Глобал судлал ба далайн асуудал /Global Studies and Maritime Affairs/, Олон улсын бизнес, ложистик /International Business and Logistics/, Бизнес, маркетингийн менежмент /Business and Marketing Management/ гэсэн мэргэжлийн чиглэлүүдийн аль нэгээр англи хэл дээр бакалаврын түвшинд тэтгэлгээр суралцах боломжтой.

Суралцах мэргэжлийн чиглэлээс хамаарч нийт суралцах хугацаа 4-4.5 жил байх ба тэтгэлгээр суралцах оюутан нь англи хэлний IELTS шалгалтын 4-өөс дээш оноо, түүнтэй адилтгах бусад гэрчилгээ байх шаардлагатай

Бүрдүүлэх материал:

1. Вьетнам улсад суралцах хүсэлт гаргагчийн өргөдлийн маягт
2. Бүрэн дунд боловсролын гэрчилгээ, дүнгийн хуулбарыг англи хэл дээр орчуулан нотариатаар гэрчлүүлсэн байх
3. Эрүүл мэндийн үзлэгийн хуудас /сүүлийн 6 сар доторх/
4. Цагдаагийн тодорхойлолт
5. IELTS шалгалтын 4-өөс дээш оноо эсвэл түүнтэй адилтгах бусад гэрчилгээ
6. Тэтгэлэг горилогчийн ур чадвар, мэргэшил, судалгааны ололт амжилтын талаарх баримт бичиг хуулбарыг зохих журмын дагуу баталгаажуулсан байх. /хэрвээ байгаа бол/
7. Нэгээс дээш жилийн хүчинтэй хугацаатай гадаад паспортын хуулбар
8. Вьетнамд суралцах, судалгаа хийх, амьдрах санхүүгийн баталгааны хуулбар. /хэрвээ байгаа бол/

Сонгон шалгаруулалтын бүртгэл болон зохион байгуулалтын хугацаа: Сонгон шалгаруулалтад оролцох иргэд 2023 оны 08 дугаар сарын 09-ний өдрийн 09.00 цагаас 08 дугаар сарын 12-ний өдрийн 17.00 цаг хүртэл Зам, тээврийн хөгжлийн яамны digital.mrtd.gov.mn цахим хуудаст бүрдүүлэх материалыг хавсаргаж илгээнэ.

Жич: Зөвхөн онлайнаар бүртгэл явагдана. Онлайн бүртгэлийн хугацаа дуусахаас өмнө бүртгүүлсэн материалаа ИЛГЭЭХ товчин дээр дарж баталгаажуулахыг анхаарна уу.

Тэтгэлэг горилогчийн анхаарах зүйлс: Дээрх материалууд үнэн зөв байх шаардлагатай. Дээрх тэтгэлэгт олон улсын нислэгийн тийз, визний хураамжийн үнэ багтаагүй болно.

Холбоо барих: Ажлын өдрүүдэд 14.00-17.00 цагийн хооронд 51-263171 дугаар утсаар холбогдох боломжтой.

Тэтгэлэг хамрагдах анкет, материалыг ЭНД дарж цахим хуудсаар илгээнэ үү.

---