Шүүмжлэл дагуулсан Төв талбайн гацуур мод

Шинэ оныг угтаж Сүхбаатарын талбай дээр өнөөдөр барьсан гацуурууд цахим орчинд иргэдийн шүүмжлэлд өртөж байна. Тэгвэл энэхүү гацууруудыг НҮБ-ын суурин зохицуулагчийн газар, Элчин сайдын зарим яамд, олон улсын байгууллагууд барьсан аж. 

"Дэлхийн уур амьсгалын өөрчлөлтийн эсрэг дахин боловсруулсан модоор энэхүү гацууруудыг барьсан" хэмээн санаачлагч байгууллагаас тайлбар хийжээ. 

Дэлхийн уур амьсгалын өөрчлөлтийн эсрэг GREEN FEST эвентийг Сүхбаатарын талбайд удахгүй зохион байгуулах ажээ. Эвентийн үеэр иргэдэд халуун хоол, уух зүйлсээр үйлчлэхээс гадна баяртай холбоотой бэлэг дурсгал, чимэглэл худалдаалагдана. Мөн дулаацах боломжтой халаагуур байршуулна гэж НЗДТГ-ын хэвлэлийн төлөөлөгч Н.Сугар мэдээлэв.