?LIVE: Б.Батцэцэг: Биологийн зориулалттай зэвсгийн лаборатори Монголд байхгүй
Биологийн зориулалттай зэвсгийн лабораторитой холбоотой гарсан мэдээлэлд Гадаад харилцааны сайд Б.Батцэцэг няцаалт хийлээ. Мөн экспорт, импортын үйл ажиллагаа сайжирч, ахиц гарна гэв.
Гадаад харилцааны сайд Б.Батцэцэг
-Манайд Биологийн зориулалттай зэвсгийн лабораторитой байхгүй. Манай улсын баримталдаг байр суурь, олон улсын гэрээ конвенц, бүх дүрэм хууль тогтоомжид биологийн зориулалттай зэвсгийн лаборатори хөгжүүлэх зорилго байхгүй. Тэр тусмаа АНУ, Европын холбооны улстай энэ асуудлаар харилцаагаа хөгжүүлэх, яриа хэлэлцээ огт хийгдээгүй. ОХУ-ын сонинд дөрвөн удаа нийтлэл гарсан. Судлаач, эрдэмтэн хүн энэ талаар анх гаргаж ирсэн байсан. Мөн БНХАУ-ын хэвлэлээр гарсан. Энэ асуудал нь үнэн бодит байдалд нийцэхгүй.
Манай улсын зүгээс олон улсаас ирж буй энэ хардлагад нээлттэй хандаж, шалгуулахад бэлэн байгаа. Хүмүүсийн хардлагыг төрүүлэхүйц ямар үйл ажиллагаа явагдсаныг нягтлах ажил хийгдсэн. Мэдээллийг ҮАБЗ-д нэгтгэж өгнө. Улмаар сонсгол хийх үүрэг даалгаврыг МУ-ын Ерөнхийлөгч өгсөн байгаа. АНУ-ын биологийн зэвсгийн лабораторийг манайд байгуулах ямар ч боломжгүй, хөрш орнуудтай хагаралдуулах гэсэн санаархал байхыг үгүйсгэхгүй гэв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.