ХУД-ийн "Шинэ Өргөө" хорооллын цахилгааныг буруу холбосноос дөрвөн жилийн турш тог тасарч, оршин суугчид хохирч байна

Хан-Уул дүүргийн-р хороонд байрлах "Шинэ Өргөө" хороолол баригдаад дөрвөн жил болж байгаа ч дөрвөн жилийн турш тог, цахилгаан тасардаг бэрхшээлтэй байсаар өнөөдөртөө золгожээ.

Учир нь анх тус орон сууцыг барьсан барилгын компани цахилгаанаа буруу холбосноос асуудал үүссэн гэж оршин суугчид үзэж байна.  

Гэтэл тус орон сууцыг барьсан компани орон сууцныхаа тогны асуудлыг шийдээгүй атал "Шинэ өргөө" хотхоноос өөр барилга руу цахилгаан татах зөвшөөрөл олгожээ. Нэг ёсондоо хотхоныхоо тог, цахилгааны асуудлыг шийдэж, хэвийн болгоогүй атал өөр нэг "үйлчилгээний төв"-тэй төвтэй орон сууцны тогийг дийлэх үү гэдэг асуулт гарч байна. 

Хамгийн анхаарал татах зүйл нь "Шинэ өргөө"-өөс татсан тогоо голын хамгаалалтын бүс дагуу буюу ус, чийг ихтэй газраар явуулахаар шуудуу ухжээ. Гэвч энэ нь тухайн хавийн оршин суугчид, гол дагуу агаар салхинд гарах иргэд, олон нийтэд тогонд цохиулах эрсдэлийг бий болгох ажээ. Гэвч уг асуудлыг шийдвэрлэж өгөх газар олдохгүй байгаад оршин суугчид гомдолтой байна.