ВИДЕО: УИХ-ын гишүүн Б.Энхбаяр ХЭҮК-ыг хүчтэй шүүмжлэв
ХЭҮК-ын даргын үүргийг түр орлон гүйцэтгэгч Ж.Хунан ХЭҮК-ын тухай хуульд заасны дагуу байгууллагынхаа 2022 оны оны төсвийг төлөвлөн УИХ-ын даргад ирүүлснийг Хууль зүйн байнгын хороо хянан хэлэлцэв.
Уг төсвийн хэлэлцүүлгийн үеэр УИХ-ын гишүүн Б.Энхбаяр ХЭҮК-оос ирүүлсэн төсвийн төслийг хүчтэй шүүмжиллээ.
УИХ-ын гишүүн Б.Энхбаяр:
ХЭҮК-оос орон тоогоо 25 хүнээр нэмүүлмээр байна. Шинээр бий болсон орон тооны хүмүүсээ суулгаж ажиллуулах өрөө тасалгааны түрээсэнд 179 сая төгрөг зарцуулна. Мөн 400 сая төгрөгөөр хоёр ширхэг Тоёота ланд круйзер автомашиныг худалдан авна. Бүх компьютер тоног төхөөрөмжөө 328 сая төгрөгөөр шинэчилмээр байна. Түүнчлэн 221 сая төгрөгөөр бүх тавилгаа шинэчилье гэдэг саналыг УИХ-д ирүүлсэн байна. Хэрвээ энэ төсвийг баталж өгөхгүй бол хүний эрхийг хангах, хамгаалах ажлыг хийх боломжгүй мэтээр танилцуулга хийсэнтэй би санал нийлэхгүй. Ийм танилцуулгыг бүр дахин сонсмооргүй байна хэмээн хэллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.