LIVE: АН-ын гишүүн Д.Мөнх-Эрдэнэ: Ц.Тувааны намд АН-ын банкны данс байгаагүй

АН-ын гишүүн Д.Мөнх-Эрдэнэ хуваагдаад байгаа АН-аас С.Эрдэнэ, Н.Алтанхуяг нарын хэн нь нэр дэвших талаар байр сууриа илэрхийллээ. 

АН-ын гишүүн Д.Мөнх-Эрдэнэ: 

-Сонгуулийн ерөнхий хороо /СЕХ/ маргааш шийдвэрээ гаргаж, хэн нэгэнд нь нэр дэвших эрхийг нь өгөх байх. С.Эрдэнэ, Н.Алтанхуяг гэдэг хоёр хүний гайг нь ч, гавьяаг нь ч монголын ард түмэн, АН-ын гишүүд сайн мэднэ. Иймд зарчмын хувьд, нэр дэвшсэн хүнийг нь олонхоо дагаад, дэмжээд явъя гэж хэлмээр байна. Намраас намын даргын асуудлаа шийдвэрлэнэ биз. 

АН-ын Дотоод сонгуулийн хорооны дарга И.Мөнхжаргал буюу "ЖАН" намынхан намын даргын сонгуулиар намын албан ёсны дансгүй, нэр дэвшигчдэд хувийн данс өгсөн байсан. Энэ утгаар нь би С.Эрдэнийн АН-ыг хүчинтэй гэж харж байгаа. 

-Та УИХ-ын сонгуулиар С.Эрдэнийн эсрэг байсан байх аа?

-Женко буюу Ерөнхийлөгч Х.Баттулга Ардчилсан намыг өмчлөх гэснээс болоод л хуваагдал үүссэн шүү дээ.  Үүнийхээ төлөө С.Эрдэнэ сүүлийн 4-5 жил муу, муухайгаар дуудуулж байна. Ингэж хэлүүлчихээд цоролзоод гараад ирдэг эрийн хуйх юм даа гэж би харж байгаа. 

Ерөнхийлөгч Х.Баттулгын хувьд өөртэй нь холбоотой ҮХНӨ-ийн заалтыг мэдэхгүйгээр гарын үсэг зурсан. Наймдугаар анги төгссөн хүн шүү дээ. Боловсролын байдлаасаа болоод өнөөдөр нэр дэвшиж чадахгүй болчихоод байж байна. 

-Ерөнхий сайд асан Н.Алтанхуяг хүчтэй өрсөлдөгч байж чадах уу? 

-Бүлгийн дарга Д.Ганбат шиг хоёр намд хоёуланд нь бүртгүүлээд явсан бол ялах боломж байсан гэж харж байгаа. Н.Алтанхуяг даргын хувьд сүүлийн жилүүдэд самбар дээр зураг зурах л ажил хийсэн. Намынхнаа дандаа харлуулдаг. МАН-ыг нэг ч муулаагүй дээ.