Дутерте: Хэсэгхэн дугхийхэд буруу нь юу байна?
Сингапур улсад Зүүн өмнөд Азийн орнуудын дээд хэмжээний уулзалт болж байна. Энэ үеэр Филиппиний Ерөнхийлөгч Родриго Дутерте хэд хэдэн уулзалт төлөвлөсөн байсан ч нойроо дийлэлгүй амарсан тул уулзалтуудаа цуцалжээ.
Ерөнхийлөгч Дутертег хэсэгхэн амрах шаардлагатай байсан тул уулзалтуудаа цуцалсан гэж Ерөнхийлөгчийн албанаас мэдэгдлээ.
73 настай төрийн тэргүүн “хэсэгхэн амарч дугхийхэд буруу нь юу байна. Нойр хэзээ ч ханадаггүй” гэжээ.
Тэрээр өмнө нь хэд хэдэн удаа олон улсын хэмжээний хурал чуулганы үеэр уулзалтуудаа цуцалж байсан удаатай.
Эх сурвалжуудын мэдээлж байгаагаар Филиппин улсын ахмад удирдагчийн эрүүл мэнд ойрын жилүүдэд таагүй байгаа аж. Өнгөрсөн 10 дугаар сард хорт хавдартай байж магадгүй гэсэн мэдээ цацагдаж байсан юм.
Ерөнхийлөгчийн албаны хэвлэлийн төлөөлөгч ярихдаа “Ерөнхийлөгч хэт орой болтол ажилладаг, өдөрт ердөө гуравхан цаг л унтдаг. Зөвхөн унтаж амарснаас биш эрүүл мэндэд нь ноцтой өөрчлөлт гараагүй” гэсэн байна.
Родриго Дутерте ажлаа хүлээлгэж өгөх хүртлээ ядарсан байгаа ч түүний халааг авах тохиромжтой залгамжлагч олоогүй байна.
Энэ жилийн АСЕАН-ы уулзалтад оролцохоор Сингапурт ирсэн удирдагчдаас унтаж амрахыг илүүд үзсэн хүн Дутерте ганцаараа биш.
Өмнөд Солонгосын Ерөнхийлөгч Мүн Жэ Ин АНУ-ын дэд Ерөнхийлөгч Майк Пенстэй уулзахаасаа өмнө хэсэгхэн дугхийж байгаа гэрэл зургийг Вашингтон Пост сонинд нийтэлжээ.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.