Гадаад паспортыг 10 жилээр олгохоор болсон ч үнэ нь нэмэгдэхгүй
Ирэх сарын 1-нээс эхлэн гадаад паспортыг 10 жилийн хугацаагаар олгохоор болсон. Одоогийн хуулийн зохицуулалтаар гадаад паспортыг насанд хүрсэн хүнд гурав, таван жилийн хугацаатай олгож байгаа. Тэгвэл ирэх сарын 1-нээс хэрэгжих өөрчлөлтөөр гадаад паспортыг насанд хүрсэн хүнд 10 жил, 16-гаас доош насны хүүхдэд таван жилийн хугацаагаар олгох юм байна. Гадаад паспортыг таван жилийн хугацаагаар захиалахад 32800 төгрөгийн төлбөртэй бөгөөд яаралтай бол 10 мянган төгрөгийн нэмэгдэл авч ажлын гурван өдөрт багтаан гаргаж өгдөг. Паспортын хүчинтэй хугацаа уртассан ч энэ ондоо төлбөр хураамжийн нэмэгдэхгүй гэнэ. Шинээр олгох гадаад паспортын загвар өмнөх улаантай ижил загвартай бөгөөд чиптэй цахим паспорт аж. 48, 64 хуудастай паспортаас иргэн өөрөө сонголт хийнэ. Иргэдийн одоо ашиглаж байгаа гадаад паспортын хүчинтэй хугацаа дуусаагүй бол үргэлжлүүлэн ашиглаж болно. Хүсвэл 10 жилийн хугацаатай шинэ паспорт захиалан авч болно. Шинээр паспорт авбал өмнөх паспорт автоматаар хүчингүй болгох гэнэ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.