Буриадын хоёр оршин суугч коронавирусийн халдвар авсан нь тогтоогдож эмнэлэгт хүргэгдсэнийг бүс нутгийн засаг захиргаа гуравдугаар сарын 26-нд мэдээллээ. Эх сурвалжийн мэдээлснээр тэд нэрт бизнесмэнүүд болох Вадим болон Раиса Бредний нар аж. Бреднийгийн гэр бүл нь "Титан" группийг эзэмшдэг ба тэд Буриадын хамгийн том жижиглэнгийн худалдаа эрхлэгчид юм. Өдөр тутамд 80 мянган хүн үйлчлүүлдэг дэлгүүрийн салбаруудад 4000 гаруй хүн ажилладаг.

Группийн эзэмшилд мөн “Сэлэнгэ” үйлдвэр, “Байгаль” загасны үйлдвэр, ресторан, фитнесс клуб багтдаг аж. Мөн тус компани жил бүр уламжлал болгон явагддаг “Байгалийн загас барих” тэмцээнийг зохион байгуулдаг юм.

Вадим Бредний Москвагаас Улаан-Үдэд эргэж ирээд эхнэртэйгээ хамт “Титан” сүлжээ дэлгүүрийн төлөөлөгчидтэй уулзалт хийжээ. Хэд хоногийн өмнө зохион байгуулагдсан уг арга хэмжээнд блогч, зурагчид болон хотын бусад алдартнууд оролцсон байна. Харин одоо эдгээр хүмүүс бүгд өргөн хэмжээгээр коронавирусийн шинжилгээнд хамрагдаж байгаа аж.

Гуравдугаар сарын 26-ны байдлаар ОХУ-д коронавирусийн нийт 840 тохиолдол бүртгэгдсэнээс:

Эдгэрсэн - 38

Нас барсан - 2

Шинэ коронавирусийн тархалт ОХУ-ын бүс нутгаар:

Москва – 546

Москва муж – 41

Санкт-Петербург – 26

Буриад – 2

Өвөр Байгалын хязгаар – 1

Эх сурвалж: ulan.mk.ru, tayga.info, стопкоронавирус.рф

---