Merriam-Webster толь бичиг 640 шинэ үг нэмэв

Англи хэл дээрх дэлхийн шилдэг тайлбар толь бичгүүдийн нэг Merriam-Webster-т 640 шинэ үг нэмэгджээ. Эдгээр үгс интренэтээр хөгжилдөгчид, хар ярианы хэлэнд зориулсан байна. Толь бичигт ямар үгс нэмэгдсэнээр бид орчин цагийн цахим өөрчлөлт, ярианы хэлний шинэчлэлийг харж болох юм.

Тухайлбал “buzzy” гэдэг үгийг та онлайн хэрэглээнд олонтаа харсан ч яг юу гэсэн утгатай үг болохыг нарийн сайн мэдэхгүй л болов уу. Хэрэв тийм бол Merriam-Webster англи хэлний тайлбар толь бичиг танд тусална. Мөн “stan”, “swole” зэрэг үгс танд тийм ч танил санагдахгүй бол өсвөр насныхан тайлбарлаж мэднэ гэдэгт эргэлзэхгүй байна.

Үүгээр зогсохгүй өмнө нь та бидний мэддэг байсан үгсийн утга дахин шилжиж шинэ утга илэрхийлэх болжээ. Тухайлбал “snowflake” гэдэг үгийг олон жилийн турш тайлбар толиудад хүйтэнд тэнгэрээс унах жижиг хэсгүүд, цасан ширхэг зэрэг утгаар илэрхийлдэг байсан бол энэ жилээс эхлэн цор ганц, онцгой болон тун эмзэг нэгэн, Facebook сүлжээнд тантай санал нийлээгүй хэрэглэгч зэрэг олон утга илэрхийлж байна.

Хэрэв та англи хэлний мэдлэгээ дээшлүүлж, орчин цагийн англи хэлний чиг хандалгатай танилцахыг хүсвэл Merriam-Webster-т нэмэгдсэн үгсийг сонирхоорой. Garbage time, Gender non-conforming, Gig economy, Go-cup, On-brand, Screen time, Top surgery, Unplug гэх мэтчилэн олон үгс багтжээ.

Өнгөрсөн жил уг толь бичиг милленниал буюу 80-90-ээд оныхонд зориулан "rando", "adorbs", "fav" зэрэг үгсийг нэмж байсан юм.

Эх сурвалж: www.cnn.com