Хөдөө, орон нутгийн сурагчдын амралтыг сунгалаа

Агаарын бохирдлоос хүн амын эрүүл мэндийг сахин хамгаалах үүднээс ерөнхий боловсролын сургуулийн сурагчдын амралтын хуваарьт өөрчлөлт оруулсан билээ. Ялангуяа аймаг, сум, тосгон, багийн сурагчдын хоёрдугаар улирлын амралт 12 сарын 22-ноос нэгдүгээр сарын 20-ныг дуустал үргэлжилж байгаа юм.

Тэгвэл аймаг, орон нутагт томуу, томуу төст өвчин дэгдэн, халдварын тархалт нэмэгдсэнтэй холбогдуулан БСШУС-ын сайдын 2019 оны 1 сарын 18-ны өдрийн тушаалаар ЕБС-иудын сурагчдын амралтын хугацааг сунгаж, хоёрдугаар сарын 4-ний өдрийг дуустал амраахаар болжээ. Харин өмчийн бүх хэлбэрийн цэцэрлэгүүдийн сургалтын үйл ажиллагааг нэгдүгээр сарын 21-28-ны өдрийг хүртэл түр зогсоож, амраахаар шийдвэрлэжээ.