Эко шинэ жил
2019 оныг угтах шинэ жилийн баяр өмнөх жилүүдтэй харьцуулахад илүү “эко шинэ” байлаа. Учир нь иргэд шинэ жилийн бэлэг, мэндчилгээгээ байгальд халгүй, эко бүтээгдэхүүнээр, өөрсдийн гараар хийж бэлэглэхийг эрмэлзжээ.
Тухайлбал, Ерөнхийлөгчийн зөвлөх Г.Уянга бүх мэндчилгээгээ өөрийн гараар урлажээ. Тэрээр цаас, цавуу, товч ашиглаад эдгээр мэндчилгээнүүдийг бүтээжээ.
Харин “Гялгар уутгүй монгол” ТББ-ын үүсгэн байгуулагч,сэтгүүлч М.Бүжинлхам хүүхдүүдэд өгөх бэлэгний уутаа мөн л өөрийн гараар урлажээ. Тэрээр дахин боловсруулсан бор цаасан дээр өөрийн сэтгэлийн үгээ бичсэн нь мөн л эко бүтээгдэхүүн болжээ.
Мөн “Bio amidral store”-ийн хамт олон утас, зүү, цаас, цавуу ашиглаад шинэ жилийн бэлэгнйи уут, шинэ жилийн тоглоом, гацуурын чимэглэл зэрэг маш олон төрлийн бүтээгдэхүүнийг гараар хэрхэн урлаж болдгийг харууллаа.
Энэ мэтчилэн иргэд харьцангуй байгальд ээлтэйгээр, хог хаягдал бага гаргаж, эдийн засагт хэмнэлттэйгээр баяр наадмаа тэмдэглэхийг эрмэлзэх болжээ.
Нэмэлт мэдээлэл хүргэхэд,
Энэ оны 3-р сарын 1-ээс эхлээд манай улсад гялгар уутны хэрэглээг хязгаарлаж байгаа билээ. Үүнтэй холбоотойгоор иргэд олон нийтдээ хандаж нэг удаагийн гялгар уут, хуванцар савыг олон удаа хэрэглэж болдог даавуун тор, цаасан уут зэрэг эко бүтээгдэхүүнээр солихыг уриалъя.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.