Эрүүл мэндийн орчин үеийн дэд бүтцийг хөгжүүлнэ
Европын сэргээн босголт, хөгжлийн банкны Монгол дахь суурин төлөөлөгч Жахан Шатсиевтэй уулзаж, эрүүл мэндийн салбарт хэрэгжүүлж буй төсөл, хөтөлбөрүүдийн явц болон цаашдын хамтын ажиллагааны талаар санал солилцлоо.
Уулзалтын үеэр Дархан-Уул аймгийн Нэгдсэн эмнэлгийн төсөл болон Улсын гуравдугаар төв эмнэлгийн дэргэд байгуулах Үндэсний зүрх, судасны төвийн төслийн ач холбогдлыг онцолж, эдгээр нь бүсийн болон лавлагаа шатлалын тусламж үйлчилгээг сайжруулах чухал хөрөнгө оруулалт гэдгийг тэмдэглэв.
Талууд олон улсын стандартад нийцсэн, орчин үеийн дэвшилтэт технологид суурилсан эрүүл мэндийн дэд бүтцийг хөгжүүлж, иргэдэд чанартай, хүртээмжтэй тусламж үйлчилгээг тэгш хүргэх чиглэлд хамтран ажиллаж байгаагаа илэрхийллээ. Мөн цаашид төслүүдийн тогтвортой хэрэгжилт, эмнэлгийн удирдлагын шинэчлэл, хүний нөөцийн чадавхыг бэхжүүлэх чиглэлээр хамтын ажиллагаагаа өргөжүүлэхээр санал нэгдсэн байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.