"Идэвхтэй насжилт-Дасгал хөдөлгөөн" аян эхэллээ.
Ахмад настнуудын эрүүл амьдралын хэв маягийг дэмжих, тогтмол дасгал хөдөлгөөнд хэвшүүлэх зорилготой “Идэвхтэй насжилт-Дасгал хөдөлгөөн” аяны нээлт 2026 оны тавдугаар сарын 9-нд Үндэсний цэцэрлэгт хүрээлэнд боллоо.
Аяныг Гэр бүл, хөдөлмөр, нийгмийн хамгааллын яам, Эрүүл мэндийн яам, Нийслэлийн Засаг даргын Тамгын газар болон холбогдох байгууллагууд хамтран зохион байгуулж, нээлтийн арга хэмжээнд 1000 гаруй ахмад настан оролцов.
Аяны хүрээнд ахмадуудад зориулсан шугаман бүжиг, хийн дасгал, явган алхалт, хөдөлгөөнт дасгалуудыг зохион байгуулж, зөв хооллолт, идэвхтэй насжилт, эрүүл амьдралын талаар зөвлөгөө мэдээлэл өгчээ.
“Идэвхтэй насжилт-Дасгал хөдөлгөөн” аян нь энэ оны тавдугаар сараас арваннэгдүгээр сар хүртэл улсын хэмжээнд үргэлжлэх бөгөөд аймаг, нийслэл, сум, хороо бүрт ахмадуудад зориулсан тогтмол дасгал хөдөлгөөнийг нэгдсэн хуваарийн дагуу хэрэгжүүлэхээр төлөвлөсөн байна.
Мөн уг аяныг хэрэгжүүлснээр ахмад настнуудын нийгмийн оролцоо нэмэгдэж, зүрх судасны өвчин, чихрийн шижин, илүүдэл жин зэрэг өвчлөлийн эрсдэлийг бууруулах ач холбогдолтойг албаныхан энэ үеэр онцолжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.