Морьт харвааны адуу хулгайлсан залуусыг дахиж шалгуулахаар боллоо

Монголын үндэсний морьт харвааны тамирчдын унадаг 18 агтыг хул­гайл­сан Н.Ганзориг, Э.Болд-Эрдэнэ, Э.Эрдэнэбат, Б.Уртнасан, Б.Пүрэв­нан­­зад, М.Баасандорж нарын хэргийн шүүхийн урьдчилсан хэлэлцүүлгийн хурлыг өчигдөр Баянгол, Хан-Уул, Сонгинохайрхан дүүргийн эрүүгийн хэр­гийн анхан шатны тойргийн шүүхийн шүүгч Т.Энхмандах удирдан явууллаа.

Яллагдагч дээрх зургаан хүний өмгөөлөгч нарын гаргасан хүсэлтийг үндэслэн хийсэн эл хурлаас хэргийг нэмэлт мөрдөн шалгах ажиллагаа хийл­гэ­хээр прокурорын хяналтад буцаахаар шийдвэрлэв. Учир нь алдагдсан адууны үнэлгээ эргэлзээтэй, дээрх хүмүүсийн үйлдэл, оролцоог нарийвчлан би­чээгүй, хохирогчийн гаргаж өгсөн эд мөрийн баримтууд дутуу, шүүхэд ирүүлээгүй зэргийг дахин тодруулахаар болсон байна.

2025 оны зургаадугаар сарын 6-7-нд шилжих шөнө Хан-Уул дүүргийн нутаг, Богд хан уулын Жаргалантын амны орчимд идээшилж байсан адууг тууж, Эмээлт дэх мал нядалгааны газарт худалдан борлуулсан үйлдэлд морьт хар­вааны тамирчин тэргүүтэй таван залуу холбогдсон билээ. Тэдэн дээр нэмж махны ченж Б.Уртнасанг яллагдагчаар татсан бөгөөд уг зургаан хүнд Эрүүгийн хуулийн 17.12-2-1, 17.12-2.2 дахь хэсгийн олон тооны мал бүлэглэж хулгайлсан, 18.6-1-ийн мөнгө угаасан гэх заалтыг үндэслэн Хан-Уул дүүргийн Про­курорын газраас яллах дүгнэлт үйлдэн дээрх шүүхэд шилжүүлсэн юм.