Орон нутгийн “Тавантолгой” ХК-ийн гүйцэтгэх захирлыг шалгаж дууслаа

Орон нутгийн “Тавантолгой” ХК-ийн гүйцэт­гэх захирлаар ажиллаж байсан Ж.Доржсүрэнд хол­­богдох хэргийг АТГ-ынхан шалгаж дуусжээ. “Нүүрс­ний” гэх дуулианы хүрээнд шалгасан уг хэ­­рэгт Нийслэлийн прокурорын газраас яллах дүг­­нэлт үйлдэж, Өмнөговь аймгийн Ханбогд сум дахь Сум дундын анхан шатны шүүхэд шил­жүүл­сэн байна.

Ж.Доржсүрэн 2021 оны нэгдүгээр сараас 2022 оны арванхоёрдугаар сар хүртэлх хугацаанд Ч.Мөнх­баяр, Д.Түвшинбаатар нарт давуу байдал ол­гож, хямд үнээр нүүрс худалдан авах ашиг со­нирх­лыг нь гүйцэлдүүлсэн аж. Ингэхдээ 2014 онд “Тавантолгой” ХК болон БНХАУ-ын хөрөнгө оруу­лалттай “Юун тун” ХХК-ийн хооронд үүссэн 587.8 сая төгрөгийн авлагыг санхүү, холбогдох бусад бичиг баримт бүртгэлгүйгээр “Авлага шил­жүүлэн барагдуулах” гэх утгатай гэрээг “Хар­дот МЖЛ” гэх компанитай байгуулсан гэнэ.

Ул­маар “Тавантолгой” ХК-ийн Төлөөлөн удирдах зөв­лөлөөс баталсан “Нүүрсний үнэ тогтоох тухай” тогтоолд тусгасан коксжих чанаргүй нүүрсний нэг тонн тутмыг 49.5 мянган төгрөгөөр худалдах байсныг 8.3 мянгаар тооцож, нүүрсээ худалдсан байна. Холбогдох шалгалтын хүрээнд 70 мянган тонн коксжих чанаргүй нүүрсийг “Хардот МЖЛ” ХХК-д борлуулснаар “Тавантолгой” ХК-д 2.9 тэр­бум шахам төгрөгийн хохирол учирчээ.

Уг хэрэгт холбогдуулж “Тавантолгой” ХК-ийн гүй­цэтгэх захирлаар ажиллаж байсан Ж.Дорж­сү­рэнд Эрүүгийн хуулийн 22.1 дэх хэсэгт заасан эрх мэдэл, албан тушаалаа ашиглаж, бусдад эдийн зас­гийн давуу байдал үүсгэсэн хэмээн ял­лах дүг­нэлт үйлдсэн байна.