🔴Ч.Ундрам: “Physical Asia” шоунд оролцож буй баг тамирчдын хувцсыг манай яамнаас санхүүжүүлээгүй

Соёл, спорт, аялал жуулчлал, залуучуудын сайд Ч.Ундрам цаг үеийн асуудлаар мэдээлэл өглөө.

УИХ-ын гишүүн, ССАЖЗ-ын сайд Ч.Ундрам: 

-“Physical Asia” шоунд оролцож буй баг тамирчдад зориулж ямар нэгэн мөнгө гаргасан мэдээлэл манай яаманд байхгүй.

Сүүлийн 2-3 жилийн хугацаанд Монгол Улсыг гадаадад сурталчлах ажлын хүрээнд нэлээд олон том дүнтэй гэрээнүүд хийсэн байсан. Фулхэм хөл бөмбөгийн клубээс гадна BBC, CNN, Edelman, Boston Consulting Group зэрэг байгууллагуудтай дандаа сая ам.доллароос дээш дүнтэй гэрээнүүд хийсэн байсан. Зарим гэрээ нь дууссан, зарим нь үргэлжилж байгаа. Гэрээгээр хүлээсэн үүргээрээ заримыг нь төлж таарна. Гэхдээ зарим гэрээ учир дутагдалтай байна. Тухайлбал, Boston Consulting Group-ийн хийсэн судалгааны тайлан шаардлага хангахгүй, хоёрдогч материалууд дээр дүгнэлт хийсэн байсан. Иймээс өмнөх удирдлагаас хүлээж аваагүй ажлуудыг дүгнэж, хүлээж авах боломжгүй, дээр нь үлдэгдэл төлбөрийг дахин ярилцаж, шийдвэрлэх ёстой гэв.