СПОРТ
ХӨГЖИМ
™ watch

"Би гар, хөлөө хугалах болно... Цэрэг татлагад өртөхгүйн тулд юуг ч хийж чадна"

Нийтэлсэн
1 долоо хоногийн өмнө


Сурталчилгаа
Нийтэлсэн:   Ш.Лхагва
1 долоо хоногийн өмнө

Украины дайнд цэрэг татагдахгүй гэсэн орос эрчүүд хилийн боомт дээр дараалал үүсгэж, эх орноосоо дүрвэн гарахыг завдаж байна.

Ерөнхийлөгч Владимир Путин лхагва гарагт хэсэгчилсэн цэргийн дайчилгаа зарласан бөгөөд энэ удаад 300,000 иргэнийг хамруулахаа зарласан.

Хязгаарын бүс нутгаас нэг тосгоноос 200 хүн цэрэгт дайчлагдах үүрэгтэй.

Гэвч энэхүү зарлан дуудах мэдээллийн дараа орос эрчүүд хил залгаа бүс нутгууд руу дүрвэж эхэлсэн талаар Олон улсын хэвлэл мэдээллийн хэрэгслээр мэдээлж эхэллээ. Гэвч "Байлдааны насны эрчүүд зугтаж байгаа тухай мэдээллийг хэтрүүлсэн" гэж Кремль үзэж байна.

Харамсалтай нь хил залгаа бүс нутгуудын хил дээр дайнаас зугтахыг оролдсон эрчүүдээр дүүрсэн олон км урт машины дараалал үүсчээ.

"Би гар, хөлөө хугалах болно... цэрэг татлагад өртөхгүйн тулд юуг ч хийж чадна"

Нэрээ хэлэхийг хүсээгүй нэгэн эр "Ерөнхийлөгч Путины мэдэгдлийн дараа тэр даруй паспортоо шүүрч аваад хил рүү явсан" гэж ВВС-гийн сурвалжлагч Райхан Демитрид хэлжээ. 

Харин ОХУ-ын иргэн Олеся Герасименко "Би 26 настай докторант багш. Путиныг үг хэлэхийн өмнөх шөнө хүнсний бараа авахаар зогсож байтал иргэний хувцастай хоёр эрэгтэй ирж цэргийн бичиг баримт өгч гарын үсэг зурахыг шаардсан. Уг нь бол энэ удаагийн дайчилгаанд цэргийн алба хаасан, тусгай ур чадвар, байлдааны туршлагатай хүмүүсийг л дуудна гэж Кремль мэдэгдсэн. Гэвч надад ямар ч цэргийн туршлага байхгүй" хэмээн ярьжээ.

ХБНГУ: "Цэрэг татлагаас зугтсан оросуудыг эх орондоо хүлээж авах болно" 

ХБНГУ-ын Дотоод хэргийн сайд Нэнси Фаезер "Хатуу хэлмэгдүүлэлт"-д өртөж буй орос иргэдийг хамгаалалт авах болно гэж пүрэв гарагт мэдэгдэв.

Харин ОХУ-тай ойролцоо Литва, Латви, Эстони, Чех улс дүрвэж буй оросуудад хоргодох байр санал болгохгүй гэж хэлжээ.

Орос иргэд визгүй гарах эрхтэй цөөн орны нэг бол Гүрж. Тус улстай хил залгаа Дээд Ларсын шалган нэвтрүүлэх боомт дахь автомашины дараалал 5км орчим байна гэж тооцоолсон бол өөр нэг хэсэг нь хилээр гарахад долоон цаг зарцуулсан гэж мэдэгджээ. Хэргийн газраас авсан видео бичлэг дээр зарим жолооч машинаа түр зогсоолд орхиод өөрсдөө хилээр гарч байгаа нь харагджээ.

Истанбул, Белград, Дубай зэрэг агаарын тээврийн бусад чиглэлд цэргийн дайчилгаа зарласны дараа тасалбарын үнэ огцом өсч, зарим чиглэлийн тийз бүрэн зарагдаж дууссан аж.

Эх сурвалж: Theguardian.com, BBC.COM

Сурталчилгаа

Манай хуудсыг дагаарай!


Сэтгэгдэл (3)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
1 долоо хоногийн өмнө
66.181.179.86

Ямар хэцүү юм бэ. Бушуухан гарч болох оронгуураа гарч яваасай билээ.

Зочин
1 долоо хоногийн өмнө
139.5.219.177

Z үсэг машин дээрээ наачихсан машин Гүржийн хил дээрээс шууд хөөгдсөн гэсэн Казахстанчууд Крым Донбасс хэнийх вэ гэж асуугаад Оросынх гэвэл шууд буцааж байна лээ. Гүрж Казахстанчууд Оросуудад дургүй байгаа ялангуяа Гүржийн 20 хувийг Оросууд эзлэсэн учраас дургүй ЗХУ задархад Орос Казахстанд их газар өгсөн гэж Путин ярьсан учраас оросуудаас болгомжлож байгаа бөгөөд одоо ирж буй Оросууд ядуучууд ирж мөнгө нь дуусахаар Казахстанд гэмт хэрэг их үйлдэнэ Оросууд халдвал тэд хорлон сүйтгэх ажиллагаа хийж салан тусгаарлах гэнэ гэж болгоомжлон Оросуудыг оруулахгүй байхыг сөрөг хүчин нь Засгийн газраасаа шаардаж байна лээ.

Зочин
1 долоо хоногийн өмнө
103.229.122.204

Аргагүй ш дээ хэн дайнд явж амь насаараа дэнчин тавих вэ Хайртай ойр тойрныхон нь ч өнчрөл хагацал үзэхийг хүсэхгүй шүү дээ Энэ дайн зогсож амар амгалан ирээсэй Орос Украйны ард түмэн аль аль нь зовж шаналж бнаа хөөрхий минь!

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.