АНИМЭ
СПОРТ
ХӨГЖИМ
™ watch
Спорт | 2022-05-14

Монгол Улсын Ерөнхийлөгчийн ивээл дор "Нийтийн хөлбөмбөг" хөтөлбөрийг хэрэгжүүлнэ

Нийтэлсэн
6 хоногийн өмнө


Сурталчилгаа
Нийтэлсэн:   О.Тэргэл
6 хоногийн өмнө

Монгол Улсын Ерөнхийлөгчийн бодлого, үйл ажиллагааны хөтөлбөрт туссан нийтийн биеийн тамирыг хөгжүүлэх, дэмжих зорилтууд болон "Эрүүл монгол хүн" хөтөлбөрийн хүрээнд Ерөнхийлөгчийн ивээл дор "Нийтийн хөлбөмбөг" хөтөлбөрийг орон даяар хэрэгжүүлэхээр болжээ.

Монголын хөлбөмбөгийн холбооноос санаачилсан, Нийслэлийн Засаг дарга бөгөөд Улаанбаатар хотын Захирагчийн нэрэмжит хөтөлбөрийн нээлт Д.Сүхбаатарын талбайд болж, Монгол Улсын Ерөнхийлөгч У.Хүрэлсүх оролцсон байна.

Ерөнхийлөгч У.Хүрэлсүх энэ үеэр хөлбөмбөгийн спорт нь олимпын наадмын адил хүн төрөлхтний эв нэгдлийн бэлгэдэл болдог, хамгийн олон хөгжөөн дэмжигчтэй "хаан спорт" гэдгийг онцолсон юм.

Мөн хөлбөмбөгөөр хичээллэгч хүүхэд, багачууд клубээрээ дамжуулан "Үндэсний шигшээ баг"-т тоглох, мэргэжлийн өндөр чансаатай тамирчид төрөн гарах, эх орныхоо нэрийг тив, дэлхийд дуурсгах үүд хаалга нээгдэнэ гэдэгт итгэж байгаагаа Монгол Улсын Ерөнхийлөгч илэрхийлжээ.

"НИЙТИЙН ХӨЛ БӨМБӨГ" ХӨТӨЛБӨРИЙН ХҮРЭЭНД:

  • Ерөнхий боловсролын сургуулиудын дунд охид, хөвгүүдийн ангилал бүхий "Мөрөөдлийн гоол" тэмцээнийг жил бүр зохион байгуулах;
  • ;
  • Хөлбөмбөгөөр дамжуулан дэлхий дахинд үндэсний үйлдвэрлэлийн бүтээгдэхүүн, үйлчилгээг таниулах, хөлбөмбөгийн спортыг дэмжих "Хамтын ажиллагаа, түншлэл" хөтөлбөр хэрэгжүүлэх;
  • 21 аймаг, 9 дүүргийн шигшээ баг оролцдог "Үндэсний цом" тэмцээнийг өргөжүүлэх;
  • Ерөнхий боловсролын сургуулиудад "Дасгалжуулагч багшийн боловсрол" хөтөлбөрийг хэрэгжүүлэх зэрэг ажлыг 2027 он хүртэл хэрэгжүүлэхээр төлөвлөж байна.

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

 Анимэ сан

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.