Украины Гадаад хэргийн сайд Дмитрий Кулеба "ОХУ Украйнд бүрэн хэмжээний довтолгоо хийж эхэллээ" хэмээн мэдэгджээ.

Тэрээр олон нийтийн сүлжээндээ нийтэлсэн мэдэгдэлдээ "Путин дөнгөж сая Украинд бүрэн хэмжээний түрэмгийллээ эхлүүллээ. Украины энх тайван хотууд халдлагад өртөж байна. Энэ бол эзлэн түрэмгийлэх зорилготой дайн. Украин өөрийгөө хамгаалж, мөн ялах ч болно. Дэлхий дахин Путиныг зогсоож чадах бөгөөд зогсоох ёстой. Одоо л хөдлөх цаг" хэмээн тэмдэглэсэн байна.

Putin has just launched a full-scale invasion of Ukraine. Peaceful Ukrainian cities are under strikes. This is a war of aggression. Ukraine will defend itself and will win. The world can and must stop Putin. The time to act is now.

— Dmytro Kuleba (@DmytroKuleba) February 24, 2022

Дмитрий Кулеба мөн үргэлжлүүлэн "Дэлхий дахин нэн даруй арга хэмжээ авах ёстой. Европ ба дэлхийн ирээдүй эрсдэлд байна" гэж мэдэгдээд, олон улсын авбал зүйтэй арга хэмжээнүүдийг жагсаажээ. Эдгээр нь:

1. Яг одоо ОХУ-ын эсрэг ноцтой хориг арга хэмжээ авах. Үүний дотор "SWIFT" байх ёстой
2. Оросыг бүхий л байдлаар бүрэн тусгаарлах
3. Украинд зэвсэг, тоног төхөөрөмж илгээх
4. Санхүүгийн тусламж
5. Хүмүүнлэгийн тусламж

Түүнчлэн Украины Дотоод хэргийн дэд сайд Антон Геращенко ч мөн Оросуудын түрэмгийлэл эхэлснийг баталжээ. Тэрээр "Халдлага аль хэдийн эхэлсэн. Саяхан Киев, Харьков, Днеприйн ойролцоох цэргийн штаб, нисэх онгоцны буудал, цэргийн агуулахууд пуужинд өртсөн. Хил орчимд хоёр тал гал нээгээд байна. Энэ өдрөөс эхлэн дэлхийд геополитикийн шинэ бодит байдал бий боллоо" хэмээн мэдээлсэн байна.

The world must act immediately. Future of Europe & the world is at stake. To do list:

1. Devastating sanctions on Russia NOW, including SWIFT
2. Fully isolate Russia by all means, in all formats
3. Weapons, equipment for Ukraine
4. Financial assistance
5. Humanitarian assistance

— Dmytro Kuleba (@DmytroKuleba) February 24, 2022

Эх сурвалж: The Guardian

---