ОХУ Украйн руу Беларусиас довтолж магадгүй гэв
Дараа сард болох Орос-Беларусийн хамтарсан цэргийн сургуулилтаар дамжуулан ОХУ Украйн руу хойд зүгээс довтолж магадгүй гэж АНУ-ын Төрийн департаментын өндөр албан тушаалтан мэдэгджээ.
Тэрээр "Оросын зэвсэгт хүчин хамтарсан цэргийн сургуулилтын нэр дор Беларусь руу хөдөлж байгаа нь түгшүүр төрүүлж байна. Энэхүү сургуулилалтын хугацаа нь анхаарал татахуйц бөгөөд ОХУ Украйн руу хойд зүгээс довтлохын тулд Беларусийн нутаг дэвсгэрт цэргээ байрлуулж байж болзошгүй гэх болгоомжлолыг төрүүлж байна. Бид энэ талаар Беларусийн эрх баригчдад хувийн байдлаар мэдэгдсэн" гэж тэмдэглэсэн юм.
Түүний хэлснээр, ердийн сургуулилтад 9,000 орчим цэрэг оролцдог бөгөөд 42 хоногийн өмнө мэдэгдэх шаардлагатай бол энэ удаагийн арга хэмжээнд 13,000 цэрэг оролцох тул олон улсын ажиглагчид шаардлагатай аж.
Түүнчлэн, Беларусийн эрх баригчид Үндсэн хуулийн нэмэлт, өөрчлөлтийн төслийн хүрээнд Оросын ердийн болон цөмийн зэвсгийг улсынхаа нутаг дэвсгэрт байршуулахаар төлөвлөж байгаад АНУ-ын зүгээс ихээхэн санаа зовниж байгаа юм.
.png)
Эх сурвалж: TASS
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.