Нийтэлсэн:   С.Шүрэнчимэг

3 жилийн өмнө

Засгийн газрын ээлжит хуралдаан дээр ковидын нөхцөл байдал, авч хэрэгжүүлж байгаа арга хэмжээний талаар Эрүүл мэндийн сайд С.Энхболд танилцууллаа. 

Эрүүл мэндийн сайд С.Энхболд: 

-Улсын хэмжээнд 279 мянган хүн коронавирусийн халдвар авчээ. 20700 орыг дэлгэн эмчилж байна. Мөн гадуур 40 мянга гаруй хүнийг эмчилж байна. 3274 хүүхэд, 1075 жирэмсэн эх хэвтэн эмчлүүлж байна. Сүүлийн 24 цагт улсын хэмжээнд 2000 гаруй хүн байгаагаас 315 нь нэн хүнд байна. 900 гаруй хүн нас барсан байна.

Вакцинжуулалт 1-р тун 69,1, 2-р тун 65,1 хувьтай байна. 3-р тун эхлүүлснээс хойш 213 мянган хүн буюу зорилтот бүлгийн иргэдийн 11 хувь нь 3-р тундаа хамрагджээ.

-Хүнд өвчтөнөө эмнэлэгт авахгүй байна гэх гомдол их байна?

-6-р сарын 2 дахь давлагааны үед 14500 ор дэлгэсэн ажилласан. Энэ үед 30500 хүн гэрийн хяналтанд, эмнэлэгт 14 мянган хүн эмчлүүлж байсан бол одоо дельта хувилбарын давлагаанд 21 мянган ор дэлгэн ажиллаж байна. Гэхдээ эрмбэлэлт хийж ажиллах шаардлагатай байна. Гэсэн хэдий ч ард иргэд бухимдалтай байна. Эмнэлэгт хэвтэх хүсэлт их байна. Бид аль болох хүндэрсэн, ахимаг насны болон жирэмсэн эх, бага насны хүүхдүүдийг хэвтүүлэн эмчлүүлэх бодлого барьж байна. Гэрээр бол хүчилтөрөгчийн хэрэгцээгүй хүмүүс эмчлүүлж байна.

-Арбидолыг ковидын эмчилгээнээс хассан уу. Өөр ямар эмээр орлуулах вэ?

-Арбидолыг ковидын эмчилгээнээс хасаагүй. Зөвхөн өвөрмөц эмчилгээнээс хасаж, өргөн хүрээний үйлчилгээ рүү оруулсан. Ингэснээрээ ганцхан ковидын үед биш бусад вирусийн халдварын үед ч хэрэглэх боломжтой болж байгаа юм.

-Эмийн багц нь хүмүүстээ хүрч чадахгүй байна гэх гомдол их байна. PCR шинжилгээ өгөх гэсэн иргэд олон байгаа ч мөн л хүрэлцэхгүй байна. Ямар зохицуулалт хийх вэ?

-Халдвартай нь батлагдсан иргэний тоогоор 160 мянган төгрөгийн санхүүжилтийг Өрхийн эмнэлгүүдэд олгож байна. Тухайн төсөвт нь иргэнд өгөх багц, түргэвчилсэн шинжилгээ өгөх ч төлбөр багтсан.

Иргэн өөрийгөө халдвартай гэж үзвэл Өрхийн эмнэлэг дээрээ очоод түргэвчилсэн шинжилгээ өгөх бүрэн боломжтой.

ЭМЯ-ны дэргэдэх Эм хэрэгслийн судалгааны байгууллага бий. Нөөц хангалттай байх ёстой.

-3-р тунгийн нөөц хэр байгаа юм бэ. Өмнөх хоёр тунтайгаа ижил вакцин хийлгэх хүсэлтэй иргэд хүлээгээд байна?

-Нөөц бэлдсэн. 790 мянган тун вероселл, 550 мянган тун файзер агуулахад байна. Мөн энэ 9-р сард дахиад 990 мянган тун файзер татан авна. 1,2 сая файзерыг мөн 4-*р улиралд татаж авах хуваарьтай. Астразеникаг бид хариуц арга хэмжээний үед ажилласан хүмүүст хийсэн. Одоо дахиж астразеника хийлгэх хүсэлт тавьсан хүн алга байна. 

Сурталчилгаа