TREND LIVE: Н.Мөнхцэцэг: “Хурд” группийнхэн миний 17 настай хүүгийн амийг хөнөөчихөөд ямар ч хариуцлага хүлээгээгүй

Хэлмэгдэгсдийн хөшөөний өмнө “хонгил”-ын прокуроруудыг эсэргүүцэн суулт хийж буй МУГЖ Т.Ариунааг дэмжиж очих үеэрээ иргэн Н.Мөнхцэцэгийн хэвлэлийнхэнд өгсөн яриаг ТРЕНД лайв онцолж байна.

Тэрбээр “Би цагдаа, шүүх, прокурорын буруугаас болж хохирсон хүн. 2018 онд “Хурд” группийн “Хүннү -2020” хорооллын төсөл дээр ажиллаж байсан миний 17-хон настай хүү тус компанийн буруутай үйл ажиллагаанаас болж амь насаа алдсан. Гэтэл “Хурд” группийнхэн тэнд ажиллаж байсан, дарга нарынхаа тушаал шийдвэрийг биелүүлж байсан гурван хүнд бүх бурууг нялзаагаад өөрсдөө ард нь нэр цэвэр үлдчихсэн.

Би Хан-Уул дүүргийн мөрдөн байцаагч н.Рэнцэн, прокурор н.Энхболд гэдэг хүнд удаа дараа өргөдөл өгч “Хурд” группийг ч гэсэн энэ хэргийн оролцогчоор татаарай гэсээр байхад нааш цааш нь аргацааж явуулсаар байгаад хэргээ боогоод шүүхэд шилжүүлчихсэн. Үүнээс болоод шүүх хүүгийн минь амь насны хохирлыг “Хурд” группээс огт гаргуулаагүйд би гомдож явдаг гэсэн юм.