СПОРТ
ХӨГЖИМ
™ watch
Нийгэм | 2021-02-23

Буйр нуурт цөмөрсөн хоёр машиныг татан гаргажээ

Нийтэлсэн
3 жилийн өмнө


Сурталчилгаа
Нийтэлсэн:   Т.Сайнбуян
3 жилийн өмнө

Дорнод аймгийн Халхгол сумын “Ялалт” 2 дугаар багийн нутаг дэвсгэрт орших “Буйр нуур”-т 2021 оны 01 дүгээр сарын 26-ны өдөр мэдээлэл ирсний дагуу Бүсийн төв Дорнод аймгийн Онцгой байдлын газрын даргын 2021 оны 02 дугаар сарын 17-ны өдрийн “Эрэн хайх, аврах бүлэг томилох тухай” А/10 тоот тушаалаар Эрэн хайх, аврах ангийн захирагч, хошууч Ц.Отгонхүүгээр ахлуулсан 6 алба хаагч, Гал түймэр унтраах, аврах 62 дугаар ангийн захирагч, дэд хурандаа М.Сүхсайханаар ахлуулсан 5 алба хаагч нийт 11 хүний бүрэлдэхүүнтэй бүлэг 2021 оны 02 дугаар сарын 18-наас 2021 оны 02 дугаар сарын 19-ний өдрүүдэд томилогдон ажиллаа.

Буйр нуурын мөсөнд цөмөрч живсэн суудлын 1, ачааны 1 автомашин нь нуурын зүүн хойд эргээс дотогш 2 км, мөсний зузаан 25-30см, усны гүн 8,5-9,0 метр, 2 автомашин хоорондоо 15-20 метрийн зайтай тээврийн хэрэгслүүдийг татан гаргах ажиллагааг хөдөлмөр хамгаалал, аюулгүй ажиллагаа, эрүүл ахуйн дүрмийн зааварчилгааны дагуу алба хаагчдыг мэргэжлийн удирдлага, зохион байгуулалтаар хангаж ажилласан.

Томилгоот бүлэг нь Буйр нуурын 8,5-9,0 метрийн гүнд 3 удаагийн шумбалтаар тээврийн хэрэгслийн байршлийг тодорхойлж, автомашинуудад холболт хийн нуурын гадаргуун дээр татан гаргах ажиллагааг зохион байгууллан үүргээ амжилттай биелүүлсэн байна.

 

Сурталчилгаа

Манай хуудсыг дагаарай!


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.