Их Британийн нийслэл Лондон хотын хамгийн нарийн байшин гэж тооцогдож буй байшин 950 мянган фунт стерлинг буюу 1.3 сая ам.доллароор зарагдаж байна.

Энэхүү таван давхар байшин нь 1.8 орчим метрийн өргөнтэй бөгөөд 96 метр квадрат талбайг хамардаг аж. "Winkworth" үл хөдлөх хөрөнгө зуучлалын компанийн мэдээлснээр уг байшин өмнө нь малгайны дэлгүүр байжээ. Одоо хоёр өрөө амины орон сууц болсон тус байшинг анх загварын гэрэл зурагчин Юуерген Теллер засварлан өөрчилсөн байна.

"Winkworth"-ын төлөөлөгч "Уг байшингийн интерьер дизайн нь тансаг дарвуулт онгоцныхтой төстэй бөгөөд жижиг орон зайг хамгийн үр дүнтэйгээр ашигласан" хэмээн тэмдэглэжээ. 

Хэдий жижиг хэмжээтэй хэдий ч 1.3 сая ам.долларын үнэлгээ нь хямд үнэ биш юм. Сүүлийн жилүүдэд цомхон, жижиг байшингууд улам эрэлттэй болж байгаа билээ. Амьжиргааны өртөг болон хотын нягтаршил өсөн, хүмүүсийн амьдралаа цомхотгон, хялбарчлах сонирхол нэмэгдэж байгаатай холбоотойгоор архитекторууд ийм төрлийн жижиг амьдрах  орчныг бүрдүүлэх болсон байна.

Эх сурвалж: CNN

---