Хөвсгөл аймгийн Ханх сумтай холбогдож газар хөдлөлтийн талаарх мэдээллийг авлаа.

Ханх сумын шуурхай штабын дарга Б.Баасансүрэнгийн хэлж буйгаар Ханх сумын төрийн бүх байгууллагууд цуурч, заримынх нь дээвэр, тааз нь нурсан байна. Үүнээс үүдээд төрийн алба хаагчдыг гэр гэрт нь хариулжээ. 

Мөн газар хөдлөлтөөс болж хөдөөгүүр үхэр мал, мөөрөлдөж, хүүхэд багачууд уйлж, хөгшид настайчуудын бие эвгүйрхжээ. Улмаар өдөөгүүр айлын гэр, амбаар, малын хашаа ч нурсан байна. 

Одоо ч тус суманд газар хөдлөлтийн чичирхийлэл мэдрэгдэж байгаа учир Ханх сумын иргэд хэсэг хэсгээрээ нэг, хоёр айлдаа бөөгнөрсөн байдалтай байна. Сумын Шуурхай штабаас иргэддээ анхааруулга, сэрэмжлүүлэг өгч ажиллаж байгаа бөгөөд иргэдийг аль болох гэрээсээ гарахад бэлэн байдалтай байхыг зөвлөж байгаа ажээ. 

---