Энэ долоо хоногт дэлхий дахинд
Шинэ долоо хоногийн мэнд хүргэе. Долоо хоног бүрийн эхэнд BBC агентлагийн онцолсон олон улсын үйл явдлуудыг уншигчдадаа хүргэдэг уламжлалтай. Энэ долоо хоногт дараах үйл явдлууд дэлхийн нийтийн анхаарлыг төвд байна гэж тус агентлаг онцолжээ.
1. Ази тивд Тайвань анхдагч болох уу?
Чухам юунд анхдагч вэ гэж үү. Дэлхийн цөөхөн оронд ижил хүйстнүүдийн гэрлэлтийг хуулиараа хүлээн зөвшөөрсөн байдаг. Тэгвэл Ази тивийн нэг ч оронд уг хуулийг баталж байгаагүй. Харин энэ бямба гарагт Тайваньд ижил хүйстнүүдийн гэрлэлтийг хуулийн дагуу батлах эсэх талаар бүх нийтийн санал хураалт болох гэж байна. Тайваний эрх баригчид хуулийн төслийг санаачилж дэмжсэн ба одоо ард иргэд хэрхэн шийдэхийг харах үлджээ.
2. Ангараг гарагийн дотор юу байгаа бол?
АНУ, Олон улсын сансар судлалын станцууд Ангараг гарагийн судалгааны ажилд ихээхэн анхаарал төвлөрүүлж байна. НАСА-ын “InSight” судалгааны төхөөрөмж Ангараг гараг дээр газардаж гарагийн дотоод бүтцийг судлахаар болжээ. Анх удаа Улаан гарагийн дотоод бүтцийг судлах гэж байна.
3. Хар баасан гарагийн хямдрал болно
Энэ долоо хоногийн пүрэв гарагт АНУ-д Талархлын баярын өдрийг тэмдэглэнэ. Дэлхийн зарим оронд Талархлын баярын дараах өдрийг Хар баасан гарагийн хямдралтай өдөр болгодог. Худалдан авагчид, дэлгүүр хэсэх хорхойтнууд зул сарын өмнөх хямдралтай худалдан авалтаа энэ долоо хоногт эхлүүлэх нь.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.