Хятад, Японы харилцаа шинэ түвшинд
Хятад-Америкийн эдийн засгийн харилцаа хурцадсанаар Хятад-Японы харилцаа шинэ түвшинд ахих боломж олдов.
Энэ сарын 25-27-ны хооронд Японы Ерөнхий сайд Шинзо Абэ Хятадад айлчилна. Японы төр засгийн тэргүүн долоон жилийн дараа Хятадад албан ёсны төрийн айлчлал хийх гэж байна. Маргааш болох айлчлалтай холбогдуулан олон улсын улс төрийн шинжээчид өөрсдийн дүгнэлтээ нийтэллээ.
Номхон далайн форумын тинк танк бодлогын зөвлөгч Брэд Глоссермэн “Хятад, Японы харилцаагаа сайжруулах гэсэн оролдлого маш чухал сорилт” гэжээ.
Хятад, Япон улсууд Дэлхийн хоёрдугаар дайны үеийн эзлэн түрэмгийлэл болоод Зүүн Хятадын тэнгисийн арлуудын маргаанаас улбаалж төдийлөн таатай бус уур амьсгалтай байсан.
Хятад бол Японы худалдааны хамгийн том түнш. Токиотой харилцаагаа сайжруулснаар Бээжин АНУ-ын татварын нэмэлт, худалдааны маргааныг үл тоон тогтвортой байдлаа хадгалахыг эрмэлзэж буй гэж Евро-Ази группын шинжээчид харж байна.
Японы талд энэ уулзалт худалдаа, хөрөнгө оруулалтаа нэмэгдүүлэх эдийн засгийн ач холбогдолтой.
Харин Трамп Шинзо Абэгийн Бээжинд хийх албан айлчлалыг сайшаахгүй нь лавтай.
Эх сурвалж: www.cnbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.