В.Путины өгсөн мэдээлэл үнэн үү?
ОХУ-ын Ерөнхийлөгч Владимир Путин Сочи хотод хийсэн мэдэгдэлдээ Исламын улс бүлэг Сирид 700 гаруй хүнийг барьцаалсан тухай хэлжээ.
Үүгээр ч зогсохгүй Сирид үйл ажиллагаагаа явуулсаар байгаа Исламын улс бүлэг өдөрт 10-аас доошгүй хүний амь насанд хүрч байна гэж В.Путин ярьсан байна.
Сирийн нутаг дэвсгэрт барьцаалагдсан иргэдийн дунд АНУ, Европын иргэд байгаа гэжээ.
В.Путин: “Исламын улс бүлгийн хэт даврагсдад тулган шаардах бичиг бий. Хэрэв тэдэнд байгаа тулган шаардах бичгийг биелүүлэхгүй бол өдөрт арван хүнийг цаазаар авсаар байна”
Оросын Ерөнхийлөгчийн уг мэдэгдэлд АНУ-ын Засгийн газар төдийлөн үнэмшихгүй байгаагаа мэдэгджээ.
Пентагоны төлөөлөгч “Ерөнхийлөгч Путины хийсэн барьцааны иргэдтэй холбоотой мэдээлэлд бид үнэмшихгүй байна. Өөрөөр хэлбэл хуурамч мэдээлэл гэж үзэж байна” гэлээ.
Эх сурвалж: nypost.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.