Sothebys хамгийн үнэтэй дарснуудаа зарав

Дэлхийн хоёрдугаар дайны дараахан 1945 онд шилдэг Burgundy үйлдвэрлэгч Romanee-Conti усан үзмийн тариалангийн суулгацаа дахин тариалахаасаа өмнө 600 шил хүрэн  усан үзэмний шүүс дарсан байдаг. Эдгээр 600 шил дарсны хоёрыг нь Sothebys дуудлага худалдаагаар зарахад тус бүр нь 1 сая ам.доллар гаруйн үнэ хүрсэн байна.

 Мөн 1937 онд хадгалсан гурван шил дарс өнгөрсөн амралтын өдөр болсон дуудлага худалдаагаар 930,000 доллары үнэ хүрчээ. Sothebys дуудлага худалдаа түүхэндээ байгаагүй үнэтэй дарснуудаа зарсан гэж мэдэгдсэн байна.

Өмнө нь буюу найман жилийн өмнө 1947 онд үйлдвэрлэсэн Cheval-Blank нэртэй зургаан литрийн лонхтой дарс 304,375 долларын үнээр зарагдаж дээд амжилт тогтоосон байжээ. Үүнээс өмнө 2010 онд Хонконгод болсон дуудлага худалдаагаар стандарт хэмжээтэй шил дарс 233,000 доллараар зарагдаж мөн л тухайн үедээ шуугиулсан байдаг.

Sothebys дуудлага худалдаагаар зарагдаж байсан дарснуудын анхны үнэ хамгийн ихдээ 32,000 доллараас эхэлдэг бол энэ удаа 558,000 доллараас эхэлжээ.

Роберт Драухин дарс үйлдвэрлэгчийн хувийн цуглуулган дахь 100 дарсны есийг өнгөрсөн амралтын өдрүүдэд дуудлагаар худалдсан нь энэ юм. 1945 онд үйлдвэрлэсан дарснууд бүрэн исэлдсэн, маш гайхалтай амтлаг болсныг олон улсын дарс шинжээчид шагшин магтжээ.

Эх сурвалж: www.qz.com