Үслэг эдлэлээс татгалзаж болохгүй гэж үү?
Орчин үеийн загварын чиг хандлага амьтны үсэн эдлэлээс татгалзаад байгаа гэдгийг загварын ертөнцийн шилдгүүд ярьсаар байна. Америкийн Лос Анжелес хотод амьтны үсэн эдлэл худалдаалах, хэрэглэхийг бүрмөсөн хорьжээ.
Хоёр ч том цахим худалдааны сүлжээ амьтны үсэн эдлэлийг худалдаалахгүй гэдгээ мэдэгдсэн. Burberry, Gucci зэрэг дэлхийн алдартай брэндүүд ч мөн үслэг эдлэлээс татгалзаж байгаагаа илэрхийлсэн. Амьтны үсэн эдлэл тансаг зэрэглэлийн загварын ертөнцөөс ийнхүү хасагдаж байна гэж хэлэхэд болохоор болжээ.
Тэгвэл амьтны үсийг орлуулан хийсэн хуурамч үслэг эдлэлийн үе эхэлжээ. Zara, H&M зэрэг тийм ч үнэтэй, тансаг биш ч борлуулалт сайтай брэндүүд хувцас эдлэлдээ хиймэл үсийг түгээмэл ашигладаг.
1860-аад оны үеэс хүүхдийн хувцсанд хиймэл үсийг хэрэглэдэг байжээ. Орчин цагт технологийн дэвшлийг ашиглан төрөл бүрийн материал, өнгө, загвараар хиймэл үсэн эдлэлийг үйлдвэрлэж байна.
Химийн аргаар гаргаж авсан хиймэл үс ч бас байгаль орчинд ээлтэй хэрэглээ биш гэдгийг Америкийн судлаачид хэлэхийг хүсчээ. Учир нь үүнийг үйлдвэрлэхэд асар их хэмжээний микро мяндсан үртсүүд гардаг байна. Нэг ширхэг полистер-ноосон хүрмийг угаах бүрт мм гаруй урттай нэг сая ширхэг микро мяндсан үртэс ялгардаг гэжээ.
Эцэст нь санал болгоход хиймэл, амьтны аль ч үснээс татгалзах боломж бий!
Эх сурвалж: www.qz.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.