БНХАУ болон Индонез улс Тайванийн усан хилд хамтарсан сургуулилалт хийнэ
БНХАУ-ын Батлан хамгаалах яамнаас Индонез улстай хамтран Тайвань арлын зүүн талын усан хилд тэнгисийн цэргийн хамтарсан сургуулилалт хийхээр төлөвлөж байгаагаа зарлалаа.
Уг ажиллагааг 2026 оны наймдугаар сарын дундуур Номхон далайн баруун хэсэгт орших Тайванийн зүүн эргийн усан хилд зохион байгуулахаар товлосон бөгөөд хоёр улсын тэнгисийн цэргийн хүчин харилцаа холбоо болон далайд цэнэглэлт хийх үндсэн чиглэлээр хамтран ажиллах аж.
Сургуулилалтад БНХАУ-ын Ардын чөлөөлөх армийн тэнгисийн цэргийн "Хунхэ" (Honghe) хэмээх 054А загварын удирдлагат пуужингийн эсэргүүцэгч хөлөг онгоц болон Индонезийн Мартадината ангиллын "KRI I Gusti Ngurah Rai" хөлөг онгоц оролцоно. Албаны эх сурвалжийн мэдээлснээр, талууд тэнгисийн цэргийн ур чадварыг дээшлүүлэх, хоёр талын практик хамтын ажиллагааг гүнзгийрүүлэх, бүс нутгийн энх тайван, тогтвортой байдлыг хамтран хамгаалах зорилготой гэж Бээжингийн талаас тайлбарлаж байна.
Индонезийн Тэнгисийн цэргийн хэвлэлийн төлөөлөгч, нэгдүгээр адмирал Тунгул наймдугаар сарын 12-ны гаргийн мэдэгдэлдээ, уг сургуулилалт нь зөвхөн усан замаар дамжин өнгөрөх үеийн ээлжит дадлага бөгөөд ямар нэгэн байлдааны ажиллагаанд зориулагдаагүй гэв.
Харин Тайванийн Эх газрын хэрэг эрхлэх газар (MAC) наймдугаар сарын 11-ний гаргийн орой мэдэгдэл гаргаж, уг сургуулилалтыг "цэргийн өдөөн хатгалга", "аюултай үйлдэл" хэмээн буруушаав. Тайванийн талаас Бээжинг гадаад улсын оролцоог ашиглан Тайванийн зүүн усан хилд Хятадын Коммунист нам хяналтаа тогтоосон мэт хуурамч сэтгэгдэл олон улсад төрүүлэхийг оролдож, тусгаар тогтнол, далайн эрх ашигт нь халдаж байна гэж буруутгажээ.
Эх сурвалж:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.