"Дельфин" хар салхи Японы өмнөд арлуудыг дайрч ихээхэн хохирол учрууллаа
"Дельфин" хэмээн нэрлэгдсэн 2026 оны 13 дугаартай хүчтэй хар салхи Японы баруун өмнөд хэсгийн Окинава болон Амами арлуудыг дайран өнгөрөхдөө их хэмжээний хохирол учруулж, Хятад, Тайванийг чиглэн урагшилж байна.
Номхон далайг гатлан ирсэн уг хар салхины улмаас Окинава мужийн Наго хотын орчимд салхины хурд цагт 216 километрт хүрч, далайн давалгаа 12.2 метрийн өндөрт хүрч ширүүссэн бөгөөд орон нутгийн эрх баригчид 260 мянга орчим оршин суугчийг яаралтай нүүлгэн шилжүүлэх шийдвэр гаргажээ.
Байгалийн гамшигт үзэгдлийн улмаас Окинава болон Кагошима мужуудад таван хүн бэртэж гэмтсэн бөгөөд тэдний гурав нь 70 гаруй насны өндөр настнууд байжээ. Мөн Окинавад таван сууц сүйрч, 16,920 өрх цахилгаан эрчим хүчгүй болсон байна. Түүнчлэн тээврийн салбарт томоохон саатал гарч, Наха нисэх буудлыг бүрэн хааснаар 500 гаруй нислэгийг цуцалж, Окинавагийн монорельс болон автобусны үйлчилгээг бүрэн зогсоосон байна.
Долоодугаар сарын 28-нд 7.1 балл хүчтэй газар хөдлөлтөд нэрвэгдээд байсан Кюшю арлын Кумамото мужийн оршин суугчид хар салхины усархаг борооноос хамгаалж, эвдэрсэн дээвэр, ханаа цэнхэр брезентээр яаралтай халхлах шаардлагатай болжээ.
Эх сурвалж:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.