🔴А.Амартүвшин: Шалгаж болно, харин ажил нь зогсож болохгүй
Нийслэлийн хотын орлогч дарга А.Амартүвшин Туулын хурдны замын төсөлтэй холбоотой байр сууриа илэрхийллээ.
Хотын орлогч дарга А.Амартүвшин:
-Шинэ Улаанбаатар мөрийн хөтөлбөрөө хэрэгжүүлэх үүднээс энэ том төслүүдээ явуулах ёстой. Мега төслүүдээ явуулж байж Улаанбаатар хот эдийн засгийн хөгжил дараагийн түвшинд хүрнэ. Олон улсын том хотууд биднийг 50-60 жилээр орхиод явчихлаа. Намайг жаахан байхад л зурагтаар утаа, түгжрэл яригддаг байсан. 30 жилийн дараа хотын удирдлага болоход энэ асуудал яригдсаар л байна.
Хууль хяналтын байгууллагаар шалгуулах ёстой. Талбай дээр хэдэн хүн гарч жагсаад зөрчсөн байна гэхээр зөрчсөн болчихдог. Ингэж ямар ч баримт, нотолгоогүй дайрч болохгүй. Улаанбаатар хот тогтвортой бодлого барих ёстой. Нэг даргаа өөр нэг даргаар сольдог. Манай Монголд нэг увайгүй зан байдаг. Өмнөх удирдлагынхаа ажлыг бүгдийг нь үгүйсгэж байгаад дахиад шинээр ажил хийдэг.
2028 онд бид ямар нүүрээрээ иргэд дээрээ очиж биднийг сонгоорой гэх вэ. Хэзээ хүртэл бид нүүрс түлж, агаарын бохирдолтой байх юм бэ. Хуулийн байгууллага шалгаж болно. Харин ажил нь зогсож болохгүй.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.