УИХ-ын гишүүн Ц.Туваан сар шинийн баярын дараахан Дархан-Уул аймагт уулзалт, цайллага зохион байгуулсан байна.

УИХ-ын Сонгуулийн тухай хуульд сонгуульд нэр дэвшигч нь сонгуулийн жилд иргэдтэй уулзалт зохион байгуулахыг хориглосон. Тэгвэл Ц.Туваан гишүүн УИХ-ын 2024 оны сонгуульд нэр дэвшихээр горилж буй улс төрчийн хувьд Сонгуулийн хууль зөрчсөн үү гэдэг асуудал хөндөгдөөд байна.

УИХ-ын гишүүн Ц.Туваан уулзалтын үеэр “Дархан-Уул, Сэлэнгэ, Төв аймгийн тойрогт АН-аас “Ардчиллын аравт” өрсөлдөнө. Шинэ залуу улстөрчид бий. Өрсөлдөгч хүчнийхэн биднийг танигдаагүй гэж басамжилж байж магадгүй. Энэ бол эндүүрэл шүү” гэжээ.

Тэрбээр Дархан-Уул, Сэлэнгэ, Төв аймгийн тавдугаар тойрогт АН-аас сонгуульд нэр дэвшихээр бэлтгэж буй улс төрчдийг танилцуулсан байна. 

---