LIVE: Т.Батбилэг: Банкны нэр, данс зөрүүтэй байсан 68000 иргэний 300 мянган төгрөг өнөөдөр орно

Засгийн газраас олгож буй 300 мянган төгрөг зарим иргэдийн дансанд яагаад орохгүй байгаа талаар Гааль, татвар, санхүүгийн мэдээллийн технологийн төвийн захирал Т.Батбилэг тайлбар өглөө.

Гааль, татвар, санхүүгийн мэдээллийн технологийн төвийн захирал Т.Батбилэг: 

-Засгийн газрын шийдвэр гарснаас хойш таван удаагийн гүйлгээгээр 3.125.000 иргэнд 300 мянган төгрөгийг нь шилжүүлсэн. Гэхдээ зарим иргэний банкны данс, нэр зөрүүтэй байснаас буцаагдсан.

Өнөөдөр/04.16/ гадаадад амьдарч буй иргэд болон өмнө нь ибаримтын бүртгэлд хамрагдаагүй байсан 43000 иргэн, үдээс хойш банкны нэр данс зөрүүтэй 25000 орчим иргэний гүйлгээг хийнэ. Ингэснээр нийт 3.250.000 иргэний гүйлгээ хийгдэнэ. Цаана нь 150 мянга орчим иргэн үлдэнэ. Тэдгээр нь бүртгэлгүй, хаяггүй иргэд байж таарч байх шиг байна. Бид гүйлгээ хийхдээ нэр, данс тулгаж багагүй хугацаа алдсан.

Иргэдийн нэр, данс зөрүүтэй, банкны данс нь хаагдсан, идэвхгүй данстай байснаас болж 300 мянган төгрөг нь буцаагдаж байна. Иймд иргэд хувийн мэдээллээ шалгах хэрэгтэй. Аль болох банкны дансаа Ибаримтад бүртгүүлж, банкны дансаа холбох хэрэгтэй. Гэхдээ мэдээллээ шинэчилсэн гээд тэр дороо орохгүй, 72 цагийн хугацаанд Төрийн сан болон банк шалган иргэдийн данс руу мөнгийг нь шилжүүлж байгаа. 

Иргэн та энд дарж мөнгө орсон эсэхээ шалгаж болно. Төлөв нь таны мөнгө буцаагдсан байна гэвэл хувийн мэдээллээ шалгах хэрэгтэй. Иргэдийн 300 мянган төгрөгийг жилийн дотор олгож, дуусна гэв.