УОК-оос цаг үеийн мэдээллийг хүргэж байна. Энэ удаагийн мэдээллээр албан байгууллага хамт олны дунд халдвар гарсан бол хэрхэн арга хэмжээ авах талаар зөвлөгөөг хүргэлээ.

НОК-ын ажиллагааны багийн дарга Б.Одгэрэл

-Албан байгууллагуудад халдварын тохиолдол ихээр гарч байна. Хамт олон дунд чинь халдвар бүртгэгдсэн тохиолдолд айж сандрах зүйлгүй, халдвар хамгааллын дэглэмээ илүү сайжруулах шаардлагатай. Тухайн халдвар авсан иргэнийг гэрт нь эсвэл хүн багатай газар луу явуулж хязгаарлах хэрэгтэй.

Шуурхай штабаас халдвар авсан иргэнтэй холбогдож, асуумж судалгаа болон ойрын хавьтлын мэдээллийг тодруулна. Асуумж судалгаанаас хамгийн эрсдэл өндөртэй ойрын хавьтлыг илрүүлж программд оруулна. Тиймээс программд мэдээлэл тань ороогүй л бол та ойрын хавьтал биш гэж ойлгож болно. Албан байгууллага, тасаг нэгж, хамт олноороо тусгаарлагдаж, хөл хорионд орох шаардлагагүй. Хэвийн ажиллаж, амьдарч болно. Гэрийн ажиглалтад орох шаардлагатай иргэд рүү өрхийн эрүүд мэндийн төвөөс нь залгаж мэдэгдэх болно.

 

---