АНИМЭ
СПОРТ
ХӨГЖИМ
™ watch
Хобби | 1 долоо хоногийн өмнө

Элсэн овоолго үүсэж, элсээр шуурдаг говийн сумыг модтой болгосон эмч бүсгүй

Нийтэлсэн
1 долоо хоногийн өмнө

Нийтэлсэн:   Б.Хаш-Эрдэнэ
1 долоо хоногийн өмнө

Говийн нэгэн суманд ой мод гэхэд хилсдэхээргүй төгөл тарьж ургуулсан хүний их эмч бүсгүйг та бүхэнд танилцуулъя. 

Тэрээр анх эмчээр ажиллахаар ирсэн говийн хуурай суманд мод тарьсаар өдгөө 13 жилийн дараа нов ногоон төгөл бүтээжээ. 

Хүний их эмч, нүдний эмч Н.Ариунболд: Хүн гурван жил өдөр тутмын ажлаа хийснээ биш амьд байгаль, мод тарьж үлдээснээ л дурсдаг юм билээ

- Сайн байна уу? Та өөрийгөө танилцуулна уу?

- Би Өвөрхангай аймагт 10 жилээ төгсөөд хотод 1999-2005 онд АШУИС-ийг хүний их эмчээр суралцаж, төгссөн. Тэгээд хөдөө гурван жил сумын эмчийн ажил хийж байгаад буцаж нарийн мэргэжлийн эмчээрээ сурахаар хотод ирсэн. Нүдний эмчээр сургуульдаа сурч, багшилж байгаад 2014 оноос өнөөдрийг хүртэл “Гэрэл” нүдний эмнэлэгт ажиллаж байгаа.

- Яагаад хөдөө суманд ажиллах болсон юм бэ?

- Өвөрхангайд аав ээж хоёр минь амьдардаг. Аав минь төгсөөд нутагтаа ирж ажилла гэсэн л дээ. Мөн намайг төгсөж байхад тухайн үеийн эрүүл мэндийн газрын дарга мэргэжилтнүүдтэйгээ сургууль дээр маань ирж "Дөнгөж төгссөн хүүхдүүдийг хөдөө суманд ажиллуулах сонирхолтой байна" гэдэг хүсэлт тавьсан. Нарийнтээл, Баруун Баян-Улаан, Зүүн Баян-Улаан гээд сумдад эмчийн орон тоо маш хэрэгтэй байна гэсэн.

- Та өөрөө говийн сум сонгосон гэж үү?

 -Тийм ээ. Уг нь миний аав ээжийн нутаг Нарийнтээл сум л даа. Аав маань залуудаа улс төрийн ажлаар сумдаар их ажилладаг байсан гэсэн. Аавыгаа Баруун Баян-Улаан суманд ажиллаж байхад нь би төрсөн гэж байсан. Намайг 2, 3 настай байхад өөр тийшээ нүүсэн гэдгээс өөр юм би мэдэхгүй л дээ.

2005 оны зургадугаар сард төгсөөд л шууд сум руугаа явж байсан. Сум маань аймгаасаа алслагдсан, дээр нь төвийн эрчим хүчинд холбогдоогүй хоёрхон сумын нэг нь байсан. Гар утасны сүлжээ байхгүй, таньдаг хүнгүй, төрсөн сум гэдгээрээ л очсон.

Аймгийн төвөөс зургаан цагийн үед жолооч, эмч хоёр маань намайг аваад сум руу явсаар байгаад харанхуй болсон хойно очиход сумын эмнэлгийн сувилагч маань лаа барьчихсан намайг тосож авч байсан.

Тэр үед “Тогтвортой амьжиргаа” төслөөр эхийн амрах байр гэж тохижуулсан хоёр ортой өрөөнд байрлаж байсан. Тэр үед.

Лааны гэрэлд намайг сувилагч тосож авсан тэр мөч одоо ч надад бодогдоод л байдаг.

- Буцаад явчихмаар санагдаж байсан гэж үү? Өөр хүнд зүйлс их байсан байх?

- Тиймээ. Маргааш нь ажил эхлээд аав ээж рүүгээ утсаар ярих гээд эмнэлэг холбоо хоёрын хооронд явна. Уг нь нэг их урт зай биш. Гэхдээ говийн сум учраас хавартаа шуурга их тавьдаг. Сумын холбоо эмнэлэг хоёрын хооронд элсэн овоолго бий болчихсон байсан. Тэр элсийг даваад л элсэн шуурга сөрөөд л явсан.

Намайг очсоны дараа эхлэгч эмчийн маань гэрээ дуусаад есдүгээр сард нь надад ажлаа хүлээлгэж өгсөн. Ингээд л сумын эмнэлгийн эрхлэгч болж асар их хариуцлага хүлээсэн. 11-р сард нь эмнэлгийн шинэ барилга ашиглалтад орж, удахгүй эмнэлэг маань шинэ УАЗ 469 машинтай болж байлаа. Дөнгөж төгссөн охин 30-аад хүнтэй байгууллага удирдах хариуцлага үүрсэн ч хамт олон маань намайг их дэмждэг байлаа. Их л олон зүйлтэй учирч, 50-иад хүүхэд эх барьж, эмчийн тал дээр асар их туршлага, мэдлэг сурч авсан.

- Яагаад суманд мод тарих болсон бэ?

- Нэг л мэдэхэд хоёр жил болчихсон л доо. Гэтэл суманд  эмч хэрэгтэй байна гэхээр нь ахиад нэг жил сунгаж гэрээ хийсэн.  Азаар 2008 онд тухайн үеийн Байгаль орчны сайдаар ажиллаж байсан Ганхуягийн Шийлэгдамба сайд сонгуулийн ажлаар суманд ирж таарсан. Надад нэг “Ногоон төгөл” гээд бичсэн жижиг төсөл байсан болохоор бариад шууд л уулзсан. Төсөв нь нэг сая төгрөг гээд хэллээ. Тэгэхэд намайг дэмжээд хэдхэн хоногийн дараа санхүүжилтийг шийдээд өгсөн.

Манай эмнэлгийн ажилчид хавар намартаа эмнэлэг тойрсон элсэн овоолгоо цэвэрлэх, элс зөөх асар их ажилтай байсан. Байнга л элс цэвэрлэнэ шүү дээ. Үүнийг яаж болиулах вэ гэж бодож, арга зам хайж байгаад "Цөлжилт, элсний нүүдлийг зогсоох хамгийн том арга бол мод" юм гэдгийг олж мэдээд төслөө бичсэн.

Ингээд эмнэлгээ тойруулж модны нүх ухуулж бэлдчихээд, сая төгрөгөө аваад л хот руу гараад давхиж байлаа.

ХӨСҮТ-ийн ард “Цэцэрлэгжилт” гэж газар байсан л даа. Тэнд очоод говьд ургах мод санхүүжилтдээ тааруулж авсан. Улиас, шар хуайс, говь болохоор чацаргана ургана гээд мэргэжилтнээс зөвлөгөө аваад дүүгийнхээ шинэхэн машинд ачиж аваад л сум руугаа давхиж байсан.

Ирээд шууд л моддоо суулгаж эхэлсэн. Эмнэлэг маань 3 ээлжийн галчтай байсан. Тэдний нэг н.Доржсүрэн ахыгаа зунжин мод арчлах ажилд томилж, ажиллуулж байлаа. Одоо бурхан болсон л доо ах минь. Өглөө эртээ н.Доржсүрэн ах услаад л зогсож байна. Эхний жилийн арчилгаа үнэхээр сайн байсан гэж боддог.

Тэгээд миний ажлын гэрээ дуусаад ажлаа хүлээлгэж өгөхдөө хамгийн эхэнд “Модоо хашаалж чадсангүй. Хашаалаарай” гэж захиж байсан юм.

- Эргээд моддоо эргэж байсан уу?

- Очих хүртлээ байнга л утсаар модоо асуудаг байлаа. Яг сум руугаа очиход тэр элсэн дунд манай эмнэлэг л нов ногоон харагдаж байж билээ. Яг сэтгэлээсээ зориод хийхэд үнэхээр бүтдэг юм байна гэж бодож билээ.

- Түүнээс хойш ямар болсон бол?

- Одоо 13 жил боллоо. Би очиж чадаагүй л байна. Манайх мод тарьсны дараа сургууль, соёлын төв, захиргаа гээд бусад байгууллагууд модод тарьсан. Одоо Баруун Баян-Улаан сум маань нов ногоон болсон байхаа. Ямар ч гэсэн эмнэлэг маань нөгөө их шуурсан элс зөөх ажилгүй болсон гэж хэлж байсан.

- Бүхэл бүтэн нэг сумыг ногоон болгох ажлыг та эхлүүлжээ?

- Би тэгж томоор бодож байгаагүй ээ. Гэхдээ миний ажилласан 3 жил өдөр бүрийн ажлаа хийхэд нэг их дурсагдах зүйл байгаагүй ч ажлынхаа хажуугаар тарьсан модод маань надад бүх цаг үеийн турш дурсагдах үйлс байсан. Одоо нэг зориод очих юмсан гэж их л боддог.

- Бусад хүмүүст захиж хэлэхэд ?

- Одоо байгаа агаарын бохирдол, цөлжилт гээд нөхцөлд гэр бүлүүд хавар бүр нэг л мод тарьдаг байгаасай гэж хүсэж байна.


Манай хуудсыг дагаарай!


Сэтгэгдэл (27)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
1 долоо хоногийн өмнө
66.181.180.63

Мундаг эмчид баяр хүргэе! Буянтай үйл нь дэлгэрэг. Амжилт, аз жаргал хүсье!

4545
1 долоо хоногийн өмнө
192.82.72.145

estoi mundag setgeltei hvn bba

Зочин
1 долоо хоногийн өмнө
150.129.140.48

Ямар мундаг юм бэ бахархаж байнаа

Н. Түмэнцэцэг
1 долоо хоногийн өмнө
66.181.161.13

Халуун баярыг хүргэе ээ, шавьдаа...

Зочин
1 долоо хоногийн өмнө
202.9.46.226

мундаг байна баяр хүргэж ажилд нь амжилт хүсье

Өнөрбуян
1 долоо хоногийн өмнө
66.181.161.68

Сайхан сэтгэл,зүтгэлтэй бүсгүйд эрүүл энхийг хүсэе ээ...

Зочин
1 долоо хоногийн өмнө
66.181.161.119

Сайхан сэтгэлтэй мундаг бүсгүй бнаа

Зочин
1 долоо хоногийн өмнө
66.181.161.66

Mundag busgui bn iim humuus mash olon bgaasai

Туяасайхан
1 долоо хоногийн өмнө
202.5.198.13

Баяр хүргэж улам их амжилт хүсье.Сэтгэл гаргаж хийсэн бүхэн шагналтай байдаг юм.Төрийн албанд ажиллаж байгаа бүх хүмүүс ийм л байвал улс орон маань хөгжинө дөө.

Зочин
6 хоногийн өмнө
66.181.161.122

Баяр хүргэе ёстой бахарахмаар буянтай ажил хийсэн байна сайн сайхныг хүсье

Эмчид
6 хоногийн өмнө
150.129.143.203

Хийсэн бүтээсэн юмтай хүн юмаа

Зочин
6 хоногийн өмнө
103.229.120.42

Цаанаа нэг зөв юм сэтгэдэг хүн бна.зөв юмыг зөв юм ямагт дагадаг

Lkhagva Tsend
6 хоногийн өмнө
202.55.188.85

Хожим Баруун баян улаан суманд очиж үзэх юмсан.

зочин
6 хоногийн өмнө
192.82.73.130

Мундаг бүсгүй байна амжилт хүсье

Ачмаа
6 хоногийн өмнө
202.21.107.110

Зорисондоо хүрэхээр тэмцэж чаддаг мундаг хөдөлмөрч бүсгүй юм. Ажилд нь амжилт, амьдралд нь сайн сайхныг хүсье.

Д, Гансүх
5 хоногийн өмнө
66.181.161.120

Сэтгэлтэй итгэлтэй зүтгэлтэй бвал бүтээл бна гж буян дэлгэрч бурхан өршөөж яваг

Зочин
5 хоногийн өмнө
103.57.92.129

Баярлалаа амжилт хүсье

болдоо
5 хоногийн өмнө
192.82.68.40

сайхан сэтгэлтэй хүн бна, баярлалаа, ажил үйлс нь тэгш дүүрэн явнаа ....

Энхтөр
5 хоногийн өмнө
81.185.169.163

Амьдралаа утга учиртай өнгөрүүлж,бусдад тустай үйлс бүтээж амьдрах хүний амьдралын эрхэм зорилго юм даа.Олны хандлагыг сайн зүйлд чиглүүлж сайн үлгэр дууриал үзүүлж чаджээ.Амжилт хүсье.

Зочин
5 хоногийн өмнө
202.55.188.40

Ёстой мундаг бүсгүй байна шүү Ажилд нь амжилт хүсье. Ёстой л үнэн дээ

Д.Энхцэцэг
5 хоногийн өмнө
66.181.161.62

Мундаг эмч юм аа. Цаашдынх нь ажил амьдралд нь улам их амжилт хүсье

Зочин
5 хоногийн өмнө
202.126.89.100

Мундаг бүсгүй юмаа сайхан үйл хийжээ сайн сайхныг хүсье

Зочин
5 хоногийн өмнө
202.9.40.2

Ёстой сайн сайхан үйл хийжээ. Танд баяр хүргэе. Баярлалаа...

Сэнхтуяа
4 хоногийн өмнө
66.181.189.31

СаЙхан шүү мод тарих сайн үйлс бүтээсэн эмчийн минь буян нь бумбумаар өггө дөө

Баярлалаа
4 хоногийн өмнө
95.173.227.4

Сайхан сэтгэлийн үзүүрт сүү гэж энэ дээ!

зочин
3 хоногийн өмнө
192.82.72.237

18 жил сумандаа очоогүй гэлээ сумандаа очоод тарьсан модоо үзээрэй.

D.Batjargal
1 хоногийн өмнө
66.181.161.107

Bayarlalaa. Az jargal husie

Холбоотой мэдээ

     Анимэ сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.