Шатахуун тээвэрлэсэн галт тэрэг ачааны машинтай мөргөлджээ
Шатахуун тээвэрлэж байсан ачааны галт тэрэг зөрлөг дээр том оврын, 18 дугуйтай ачааны машинтай мөргөлдсөн осол АНУ-ын Техас мужид гарлаа. Камерон хотод болсон ослын үеэр өтгөн хар утаа тэнгэрт бүрхэж, гал гарсан байна.
Нэг байшин галд өртөж шатан, ойр орчмын оршин суугчдыг нүүлгэн шилжүүлжээ. Ачааны машины жолооч болон галт тэргэнд байсан хүмүүс ослын газраас зугтаж чадсан тул азаар хүн гэмтэж бэртсэн тохиолдол гараагүй.
Орон нутгийн эх сурвалжийн мэдээлснээр галт тэрэгний гурван чингэлэг шатсан байна. Уг галт тэрэг шатахуун, химийн бодисоос гадна нүүрс тээвэрлэсэн байжээ.
Эх сурвалж: ВВС
Сурталчилгаа
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.