Африкийн Камерун улсад 79 сурагчийг, захирал, хоёр багшийн хамт зэвсэгт этгээдүүд барьцаалсан тухай мэдээлж байсан.

Тэгвэл барьцаалагдаад байсан хүүхдүүд, багш нарыг олж сулласан байна. Тэднийг баруун хойд мужаас олжээ.

Тус улсын Пресбитериан сүмийн мэдэгдэж байгаагаар хүүхдүүдийг Баменда хотоос 24 км-т байдаг Бафут тосгонд сүмийн байшинд нууж байсан байна. Урьд өмнө нь 10 гаруй хөвгүүнийг хулгайлж, эргэн сулласан хэрэг гарч байжээ.

 

 

Засгийн газрын эрх баригчид 80 орчим хүүхдийг хулгайлсан гэмт этгээдүүдийг Англи хэлтэй салан тусгаарлагчид байсан гэж буруутгалаа. Тэд өөрсдийн Амбазониа нэртэй тусгаар улсаа байгуулахаар удаа дараа эсэргүүцэл үзүүлсээр ирсэн.

Эрх баригчид хүүхдүүдийг хэрхэн олж, сулласан талаар дэлгэрэнгүй мэдээлэл өгөхөөс татгалзжээ. Ямартай ч өнгөрсөн ням гаригаас хойш барьцаанд байсан хүүхдүүдийг эсэн мэнд суллалаа.

Камерун улсын хүн амын 80 хувь нь Франц хэлтэй, 20 хувь нь Англи хэлтэй. Засгийн газраас сургуулиудад Англи хэл заахыг хориглоод байгаа.

Эх сурвалж: www.bbc.com

---