LIVE: Амны хаалтын автомат машиныг ямар ч газар байршуулах боломжтой

Нэг удаагийн амны хаалтын автомат машин буюу АТМ зохион бүтээж, хэрэглээнд нэвтрүүлэхэд бэлэн болсон талаар “Ухаалаг систем” ХХК-ийн захирал П.Энхмандах, 20К клубийн дэд тэргүүн Н.Болод нарыг “Цайны цагийн зочин”-оор урьж ярилцлаа.
20К клубийн дэд тэргүүн Н.Болод “Манай 20К клубт янз бүрийн авьяастай, боловсрол, мэдлэгтэй салбар салбарын хүмүүс байдаг юм. Ингээд манай клубийн залуус ярилцаад” юм.

“Ухаалаг систем” ХХК-ийн захирал П.Энхмандах “Манай компанийн залуус программ хангамж, техникийн шийдэл зэргийг гаргаж хийсэн. Эхний ээлжийн автомат машин бэлэн болсон. Мэдээж цаашид загвар хийцэд өөрчлөлт оруулж болно. Худалдан авахаар бол хоёр төрлөөр гүйлгээ хийнэ. Бэлэн мөнгөөр болон QR кодоор гүйлгээ хийх боломжтой. Бидний хувьд амны хаалтыг нэг нэгээр гаргахаар шийдсэн.

Супермаркет, үйлчилгээний төв, томоохон албан байгууллагуудын үйлчилгээний зааланд уг амны хаалтын АТМ-ыг байршуулах боломжтой.

Учир нь олон хүнтэй газраар үйлчлүүлэхээр бол амны хаалт зүүхийг шаардаж байгаа. Зарим иргэдийн хувьд амны хаалтгүй, шинийг авч хэрэглэх гээд хэрэгцээ шаардлага байгаа тул уг амны хаалтын автомат машин зайлшгүй байх хэрэгтэй гэж үзэж байгаа юм” хэмээв.

Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.